-比人捉完一次頭之後,硬係覺得訓導特別會更加留意,因為我開始要避佢視線...剪髮喎叫我!~同Brain上次唔係剪左好耐姐...又剪?!今日係學校迷迷糊糊咁過左,發覺頭三堂我9成都係夢緊遊- -...

-中文test的成績大部份人都不滿意,係個miss改得太嚴定係正如菠蘿釘所講,佢係睇人黎改分,有曬自己既計劃去改呢....作文竟然得咁既分數!(懶講出黎..雖然都過左關..)但我唸如果係miss mak個些改最少最少我地都有6-7字頭喎~!佢竟然連作文都印到答案過我地參考分數..即係要達佢個要求先有分,冇就寫再多都假?唔知佢想點...改作文改到好似改數學咁有根據..

-maths堂,越聽越唔明,唉,博菠蘿釘遲下教返啦唯有...Brain訓教都曉做,真係佩服啦..連菠蘿釘都未做識既題~

-返到屋企一次過睇曬三套新番動畫,跟住睇完就過隔離房訓..估到自己一個去改好難改依個壞習慣架啦..訓到10點先醒,跟住鬼咁精神,第二日又缺睡....

-ps:唔小心將Brain既留言,回覆按左del- -..sor..

-今日黑得過份!~一入門就比人捉頭髮記名,跟住一上堂就肚痛,新電話第一日帶返去就掉落兩次,一切"好"的開始- -..

-test炒左唔少...唉,黑仔到完全超出曬自己想像之外,跟住去聽講座,此時先發覺鞋爛左底!~煩啦..又黑多齋,跟住聽個講座聽到訓著,比Miss鬧左句,跟住連Miss wong都要出動埋..失曬態真係..lunch,又唯獨我同彪哥冇飯,又要跑落去囉啦...放學後有課程,返到六點先走得,天都黑曬~

-好癡線的一天,係班里到處問人有冇M記開心樂園餐指定既三隻小妖!~""收購M記開心樂園餐指定既三隻小妖"",仲要好長,好多個字要講...搞到自己今日好長氣- -..依個問題問啞左唔少人,仲有冇人食開心樂園餐呢?冇的...但最後返到屋企比我用左些方法同程序,終於搞掂左!~相信潔文會好開心,呵呵~過程就唔提嚕,免得佢又話我亂來~

                                                                                              初聞M記玩具咁值錢~!