-又要重新打過篇日記..本來早就打完,點知一按確定,就彈出句未登入信息...跟住..唉.....重打唯有~

-今日上maths堂自動同miss提出我想坐前去,睇唔到黑板,佢\勁樂意咁任我坐,仲邊笑邊講\"得!!緊係得啦,你肯聽書坐上黎邊都得\"佢\講到好似睇穿我平時上Maths\"中\"眼訓咁...哈哈,但的確我又真係想試下聽下數學,唔想考得太樣衰個成績,跟住發覺坐上去聽真係冇咁眼訓!~跟住陳偉明教返我些數點計,辛苦佢\了~要教個數學白癡..阻住佢\上堂聽書,跟前住又教我做些功\課,結果教唔曬,佢\比左佢\個本我,叫我返屋企自己試下做,做完再對下佢\個本睇下岩唔岩,其實都幾搞笑,佢\比得本功\課我返屋企,點樣認真自己做,咁大誘惑,哈哈~結果做一步睇一步...算係好過抄都,識些丫起碼~thz菠蘿釘今日~!

-會計些課程好似越黎越難,從開始個時個種輕鬆感同而家依種,一知半解,好明顯難左,正如潔文早前所講,初學容易,期後難,唔打緊啦~落力些應該仲唔成問題,而且唔識有秀華姐幫手~呵呵,我都唔想煩佢\讀書,但佢\成績實在強得可怕,冇幾多個有咁勁成績而又咁熱心幫手- -..

-又放左阿倫飛機...冇去剪髮,因為最近要交些費(唔記得咩費用)500$,費事又問我媽囉錢剪,怕佢\叫我去銀行按錢,到時就啞曬實- -...

-昨日同阿俊傾msn,培聖真係唔收返佢\呀..頂丫~又話洗左紋身就得,佢\都洗左啦,皮都冇左成忽,錢又出左,而家又唔肯收返人地,唔通真係叫佢\係出面做煙攤做成世咩...間死人培聖真係無人情味,人地肯改想讀又唔比人地讀,又叫人地洗紋身,而家洗完打去找佢\地又唔聽或冇回音,擺\明唔肯收返人,玩曬啦...底我越黎越憎佢\- -\"跟住傾傾下,傾到以前住郎邊中轉屋既日子,真係好好個段時間,個時人又唔係大,又幾無知,屋企開資有充足,得閒出去元郎或九龍行下,返到屋企落樓下打下波,踩下單車,或者同個邊住些人打陣機,咁又一日,唸返起真係幾無聊架以前些行為,但其實比起而家,咩都要煩,咩都要理,真係好辛苦...認真咁唸下以前,自己變化真係大左,好多野都唸得較為悲觀,較為深遠,而其實好現實既...就係讀書,跟住找份好工,穩定自己既事業,跟住再解決其他問題,正常對我地來講,依些野聽得多,係明,但難去做,不過不斷咁迫自己去記,我都認為自己間中都去面對依條路線..但唔係太明確,或者,真係要放棄很多其後先得到更多...吧\"

                                                                                現實~

-同阿鳳一齊個段時間,我唯一沒有告訴佢的,就係就讀學校,以前就係咁而吵架,就算直到現在,我連朋友,陳伯依些好友我都避之則吉,點解?我都問過自己點解..係接受唔到現實既一種現象?定係唔光彩?肥魚讀到私校...都未介意過半分,甚至連我媽都唔太清楚,因為問親我都冇提,細老就更加唔會同佢提,miss wong說過"一間學校好壞,確實睇學生造化,但你做好本份的話,始終係你,所以沒必要介懷"聽完後,我唸..我依種心態有些多餘~

-今日放開自己同書本,嘗試走出走廊,其實的確都唔一定要虛渡返學日子,始終人生中,學校階段係好保貴吧~第一次著住校服出元郎,(平時校服look定第一時間回家換衫先出),同汶峻,田雞,陳偉明去睇狗~!些狗好得意呢!~見到田雞個種北京狗比人剃曬毛...唔靚",又見到白色既松鼠狗!!極度得意!有個女仔問價,3xxx$..即走= =....但依個價算平啦!白種松鼠狗黎講算係咁上下~跟住搭車返屋企,同陳偉明傾傾下,話星期五放學去塘坊村個輕鐵站個邊個場打波~個個場未去過..唔知感覺如何,但難得同中學朋友約出去,當然冇推辭既理由~而且想叫埋陳伯一齊去,夾得好D打波~KAkA~~!

-本來今日應承左阿倫一齊剪髮架,佢話去佢姨度剪,"幾錢?70$約","係邊佢間店?屯門市中心~",暈...下次吧阿倫...我說道...跟住選左睇狗路線...Sor阿倫~下次一定去..我都好想試你阿姨既剪髮技術..但其實我忘記帶錢,唔好意思再借錢...-_-"

-昨日漏夜追睇Air,搞到今日返學訓左好多堂丫....Maths更加冇可能聽得入,account免強還可以~

-今日終於到手機戰J了!!~~遊戲設計不錯,第一時間試玩同埋做左D"小動作"睇下邊部主角機勁些~見圖:

留意到了嗎?第三話,但資金的數值卻是9999999......$,這便是gamemaster的好處,我都想慢慢玩架~但返學唔容許我慢慢咁磨依隻game...所以,上圖便出現左資金嚴重過多問題,呵呵~~!喜歡機戰的朋友就盡量別學我吧~!好好享受這新機戰..如果有意也可找我聊聊關於機戰的~我都係機戰迷呢!!~

-結果都係戒唔到夜訓..又12點了...唉 - -"...

                       別再那麼多遊戲誘惑...什麼火影,Seed-D,機戰,時空幻境的,別再在返學時來這套吧...暈- -"