-今日返學感覺還可以,似乎開始慣些了,最奇蹟係Maths堂我竟然冇睡意,仲學到少少野...

-用左些時間更新了日記板的圖,背景,和音樂,(其實音樂轉檔壓縮等等花左好多時間都..)搞到昨日冇溫到書..但一日應該唔大問題~!

-今日特登找miss wong傾清楚修讀旅遊的事宜,佢都認為冇問題,足夠啦~!更加唔可以放棄了!之後繼續普通的返學日子~上英文堂個時釣左次魚...唉"真係失敗!!~明明集中精神..都係咁.....

-昨日miss打黎問候下家長,點知我細老係後面爆粗,比miss聽到= ="...真係次次累街坊呀佢!!.搞到我極度唔好意思...

-死啦,最近得閒唸住玩陣火影,點知有D上隱添....如圖:非常難對付的鬼鮫.....

-除左星期一外,其實住後日子放學後將日日有補課,時時有課程,肥魚問起中秋去邊玩..唉,點解佢無時無刻都記得玩記到咁緊...唔通前景對佢毫無所謂?成日話識女仔,但有冇唸過依個社會何其現實,冇錢冇事業,邊個跟你挨世界呢...肥魚....

-好多事情,應該要徹底唸清楚,因為數下來的時間,並不多,所以只好選擇最現實的路線,所謂先苦後甜,有誰不知,但做得到的,又有多少人...

-部腦中毒越來越嚴重..係咁系統還原先免強頂得順..如無意外又准備洗機,唉..又冇曬我辛辛苦苦找返來些野啦~!好唔捨得些動畫同圖片,音樂...總之好多都想keep住- -"..

-今日臨尾個堂老豆打電話黎!!~仲上緊堂..比佢嚇死真係,好彩轉左首開頭幾秒好細聲的鈴聲!!跟住急急腳cut電話..總算安全無事...

-同秀華師傅傾左成個鐘電話,係度研究account條題,計左勁耐都錯..原來我寫漏個零!!唔怪得憎咁遠..激死佢了- -....不過秀華師傅成績依然超勁,係盧幹庭依然可以囉頭十名!!唔問佢功課問邊個?!呵呵~~

                                                                              不停落下的太陽鬃毛,
                                                                              將殘留在薄冰上的足跡消除,
                                                                              不用害怕被欺騙,
                                                                              因世界早已存在於欺騙之上

-最近日日都返學放學,理所當然地,個個都各有各忙,連打波都開始唔提了...平時個份悠閒全完消失~因為個個都忙於返學..除左假期得閒些吧..

-今日見到miss wong,佢一見到我就話:"哇~你個衰仔,點解今年唔選我個科!~唸住今年實教到你啦~點解你入旅遊.有冇搞錯!~正衰仔~~!!"跟住起飛腳- -...(當然係假踢,miss wong係一個很風趣同愛戴學生的老師,只係逗著玩而已!!),其實我都好想miss wong教架..呃..唔係,係勁想!!,但為左前景,我想努力讀旅遊科,而且miss wong教實好輕鬆,玩多過學其實..- -因為熟...而旅遊科個個就勁惡,勁麻煩,講人花名又鬧,傾計又鬧,飲少少水又鬧,總之咩都鬧,跟住第一堂就狂派工作紙,仲自稱:"基本上預著係我教既科目你地就預左多野做"算啦..換個角度睇都係好處..選依科都唔係為左輕鬆!~但比miss wong咁話一話,真係好想佢教我丫..!!欸...上完旅遊本來想找miss wong傾下,點知佢走左了,咁算啦~食完飯就落去圖書館找人教accounts,文傑同阿Sir都教左我一次,大概都明左,今晚再複一複應該冇問題,跟住最後個堂旅遊好無聊..冇書,所以講些咩旅遊心得,訓著左...下堂有書再認真聽吧!~第一堂反正~~

-落到禮堂週會,本來冇咩事,但突然間唔知邊度播起:要風得風!!周麗淇- -...幾乎全場冇聽週會,睇下邊個咁勁...跟住..唔知點啦,應該係收手提我唸~

-部腦又比我細老搞到中毒,好鬼煩呀佢..次次都要我執手尾整壞部腦,而家又間中彈網,又上唔到一些上開既網,隔得耐又完全上唔到網..啞曬真係....

                                                                               咯吱作響的  淨罪之塔

                                                                               彷如光般貫穿世界

                                                                               搖擺不定的  背骨之塔

                                                                               正往下墮的  是我們還是蒼天...