-今日返學好訓得...雖然咁講,但竟然英文堂冇訓!~奇奇怪怪既都,跟住就小息,同其他雜堂狂訓啦..憎些連account都訓著,好彩頂得順..彪哥account抗拒聽依個阿sir講書,又唔做功課,又唔做筆記,搞到阿sir係咁針住佢,搞出一些笑話,呵呵~簡單一題都問得啞佢,仲要英文都讀錯音..暈了"

-菠蘿釘話考慮緊參加唔參加學校個籃球隊,要交90$!~跟住買球衣又要自己出錢,傻既,緊係唔制啦,如果係我,打波姐~咁都要比錢,話請咩老師返黎教,洗鬼呀?方佢唔係又教D基本功咩...10$一堂,完全唔覺得學到咩野,我睇幾場NBA都可能學野多過佢教啦!~萬一比錢佢教D咩走籃,射波個些...唉,就真係囉得命,一個人90$,食都夠我地食餐勁,跟住件球服又要錢喎,唔好傻啦..出面super-X之前舉辦個個比賽人地填名抽中就送件比你,而家學校些球衣有幾巴閉呀,聽菠蘿釘講仲要係大陸製衣,去死!~學校有冇窮成咁,咁樣打波法係我就寧願個個星期打街波啦,我地都參加過幾年籃球隊啦,結果都係冇去,個阿sir根本就唔負責任囉我覺得,未見過佢教球隊打過波,而家仲話收錢打籃球,咁我覺得入唔到依個team係好處,反正今年大家都偏學習多過運動,運動只係消閒姐~不過無論如何,決定權在各位手上,自己定立吧...

-今日上課時間還算過得很快,點解?因為今日好多白日夢發...唔知點解= ="...包羅萬有真係...

-美圖美圖!!~動畫界中3D畫面內效果最佳既動畫片,"FINAL FANTASY VII"終於比我睇完嚕~!差唔多睇成兩個鐘頭...但真係好好睇,人物彷真度極高,打鬥又靚,簡直好似睇緊真人既片咁....本來想上傳短片預告分享,可惜資源有限...唯有貼圖要大家觀賞觀賞了....

比動畫版美化很多很多很多....的蒂花(Tifa)

唯美一幕~

感人一幕~

比動畫個時靚太多了~!

最後一張,特大既!!~

暫時仲有BT種既...有意睇依套野既朋友們可以add我囉都,一套好高品質既動畫!~

-聽日又開始返學了,時間真係快,兩日假期就好似起身後訓,訓後起身,就咁重覆已經一日...

-今日早上同爸出去食早餐,一行出去已經落雨刮風,食完後,回完再訓!~訓到下午3點醒左,玩陣電腦,跟住又訓!~醒黎已經夜晚了...

-最近開始冇咩需要記係日記,搞到篇幅好短..冇計啦,日子平凡,返學就返學,放假就訓教,都冇特別事出現過,最特別都莫過於逢星期五放學一班朋友一齊出去打波當減壓,但真係減到架~星期一至四返學,唯獨星期五放學後第二日放假,有得一齊打波,打完一圍人食飯傾下計,依些生活對今年既我地黎講絕對唔係差,最少我係咁認為..星期一至四返學已經累得很了,唯獨星期五認真過後鬆一鬆,多好的一天~呵呵

                                                                                   簡簡單單~