-果然早訓都冇用..今日返到學校依然好睏,些功課又堆曬堆曬,唉,英文閱讀報告又未做,點唔知要忙幾耐...放學等埋肥峰先走,一等等到成5點都黎,跟住返到屋企已經散沙咁訓係床啦...開一開icq,原來潔文昨晚找過我,真係怪了,日日夜訓又冇出過聲,偏偏得昨日早訓潔文就找我,有少許給天意所玩弄的感覺- -..唔知點解佢每日都可以咁精神,如果我有佢一半精神就好!~咁就唔洗成日見周公...要有精神先聽到書,唔知點解一日比一日支力,其實今日個頭都有少少痛,我都唔知咩原因,心唸訓下就冇事...

-聽日又要背書呀!~冇時停既...唉"好想放假訓好些..

-收到媽的消息,大姨佢地會帶埋王小慧落香港旅遊,很開心的說~!但唔知佢地拖幾耐先搞掂啦...因為大姨一向怕麻煩,大概預計係新年前吧.....知道依個消息,第一時間同潔文講左,即係除左我媽暫時得我倆知,所以就算潔文媽唔知都唔奇..但講到尾還真是很期待佢地快些黎香港!~

-回家路上,菠蘿釘係咁煩住關於學業同學界籃球既問題,其實我都唔明有咩咁煩,基本上開學冇耐已忙得透唔過氣,而且又要怕追唔上成績,邊有時間日日操籃球..但歸根究底,每個人都有自己既煩惱,我又何嘗唔係..所以,向著自己所選擇的路進發便好,唔需要同任何人比較...

                                                                       世界上,太多事情非言語和筆墨所能形容

-今日返學個人極疲倦!~(其實日日都倦,睇乎嚴唔嚴重- -"..)又係由車度訓到返學照訓,唔知點解好似訓極訓唔完咁個人...今晚10:00前死都死落床呀!!~

-自己上堂釣魚就釣得多,原來睇人地釣大魚係咁搞笑....今日last個堂坐我隔離個個人係咁釣魚喎!~抬頭,又慢慢掉落去個頭,抬頭,又慢慢掉落去個頭....重覆又重覆,睇到我有些想笑呀...但好似好衰,又唔想阻佢訓,因為我都知釣魚釣得咁勁代表個人好疲倦己經,呵呵~

-ling妹今日臨走問左我一個問題,"你返學到而家到底借左我幾錢呢?"好問題...我唸住一心還比歐均,而ling妹就冇唸過要還錢= ="....佢咁樣一問,我真係啞住著草...

-account今日有test,炒左添...鬼叫我唸唔通個一題就同佢鬥過,用曬成堂逐一去睇到底錯邊..跟住,話咁話一堂,犧牲左其他題...慘啦,一題唸成堂,早知做完其他先....下次test要醒些真係..

-學生會選舉,無聊至極,聽佢地係到發顛,都唔可以話聽,因為根本佢地連講野都細聲到死,應該話根本聽唔到講咩,用埋o米添仲要,成team人得一條女講,條女把聲仲要沙得過份,某程度黎講我認為佢係自己同自己講緊野~跟住見朱仔數落去成排都訓曬唔聽咁制,我都安心訓埋一份,跟住放學回家,睇左本新game書,PS3就快殺到嚕終於,意思即係ps2唔會再有機戰,即係已經冇左我買既意義,大概很快會被冷落,報導話每部主機大概可玩壽命5年左右,ps2幾年我就唔知啦,但我玩左頂多兩年就完蛋...

                                                                                  睡眠~