| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 5 月 28 日 星期一  |
廣東童謠  |
分類: 兒戲 |
細細個已經聽這些一代傳一代的童謠,我成日都同阿囝阿囡唱,好好玩!
1.排排坐
排排坐，吃果果，貓衣擔凳比姑婆坐，坐爛個屎忽，唔好賴我，賴番隔離個二叔婆
2.鬥柑
“篾”開柑，數柑核，邊個核多就邊個贏，吾准手賴就甘縮骨。
3.拍大骳
拍大骳，唱山歌，人人話我無老婆，嘀起心肝娶返個，有錢娶個嬌嬌女，無錢娶個豆皮婆，豆皮婆，食飯食得多，屙屎屙兩籮，屙尿沖大海，屙屁打銅鑼。
4.氹氹轉
氹氹轉，菊花圓，炒米餅，糯米團，阿媽叫我睇龍船，我吾睇，睇雞仔，雞仔大，摞去賣，賣得幾多錢？賣得三百六十五個仙。
5.猜呈沉
呈沈剪，呈沈包，呈沉糯米叉燒包。老鼠吾食香口膠，要食豆沙包。
6.伏壘壘
一就預備，二就壘埋，三就開盤，四就嚟到，彭到算數。
7.捉大賊
點指兵兵，點指賊賊，點著誰人做大兵，點著誰人做大賊。
8.估手指
估手指，要估中，邊個吾中，就吾中用，褲浪底見個窿。
9.點蟲蟲
點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊。
10.騎牛牛
騎牛牛，牛牛走，牛牛響前咪回頭，若然回頭就打籮柚。
11.打波子
大眼雞，鹹魚頭，你屙尿，吾洗手。
12.咕碌咕碌
咕碌咕碌一，咕碌咕碌二，咕碌咕碌三，準備開炮打敵人！
13.跳橡筋
董存瑞，十八歲，為國犧牲炸堡壘，炸到堡壘咯咯脆，全國人民流眼淚。
14.碌銅仙
碌銅仙，打銅錢，全憑眼界手出變，叮響銅錢俾個仙。
15.打泥炮
打泥炮，泥炮響，吾使摣槍上戰場。
16.飛麻鷹
折紙機，麻鷹飛，飛來飛去吾落地，麻鷹有條尾。
17.走得快
走得快，好世界，走得磨，無鼻哥。
18.落雨大
落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。
19.點蟲蟲
點蟲蟲,蟲蟲飛,飛到荔枝基,荔枝熟,摘一僕,荔枝生,摘一藍
20..曖姑乖
曖姑乖,嫁後街,後街有鮮魚鮮肉賣,又有鮮花戴,戴吾曬,擺落床頭卑老鼠拉,拉拉拉,拉去大新街,大新街又有個扯皮鞋,扯下開,又扯下埋.
21.月光光
月光光，照地堂，蝦崽你乖乖睡落床,天朝阿媽要捕魚蝦羅，阿爺看牛要上山坡,哦哦......阿崽你快高長大羅 幫手阿爺去看牛羊哦哦哦......
月光光，照地堂，蝦崽你乖乖睡落床聽朝阿媽要捕魚蝦羅！ 阿嫲織網要織到天光,哦哦......蝦崽你快高長大羅 “橙”艇“殺”網就更在行,哦哦哦......
22.肥藤藤
肥藤藤,腳震震,買舊豬肉去拜神.行到半路PagPag痕,去到神廟四圍藤,返到屋企口痕痕,食完豬肉變瘟神.
23點蟲蟲
點蟲蟲，蟲蟲飛，飛到荔枝基。荔枝熟，無埞僕，撲落阿仔個鼻哥窿。
24:搖籃曲
噯姑乖。噯大姑仔嫁後街。後街有啲乜嘢買？有啲鮮魚鮮肉買。鮮花戴，戴唔曬，丟落床頭畀個老鼠拉，一拉拉去隔條街。隔街有啲乜嘢買，有啲鮮魚鮮肉買，鮮花戴，戴唔戴……
25雞公仔
雞公仔，尾高高養兒養女唔好咁心粗。唔好心肝唔好，就唔記得父母�H功勞。
26:賣懶
賣懶，賣懶，賣到年卅晚，人懶我唔懶。
27:落雨大
落雨大，水浸街。阿哥擔柴上街賣，阿嫂教我做花鞋。花鞋花襪花腰帶，一串珍珠兩邊排。有錢打對鈴啉鼓，冇錢打個石榴牌。
28:雞公仔，尾彎彎
雞公仔，尾彎彎，做人新婦甚艱難。早早起身都話晏，眼淚唔幹入下間。下間有個冬瓜仔，問過安人煮定蒸。安人話煮，老爺又話蒸，蒸蒸煮煮唔鐘意。大喳嚹鹽佢話淡，手甲挑鹽又話鹹。三朝打爛三條夾木棍，重話：咁好花裙畀你跪到爛，咁好石頭畀你跪到
崩。橫又難，直又難，不如捨命落陰間。人話陰間條路好，我話陰間條路好艱難。
29:收買佬
爛銅爛鐵，收買爛銅爛鐵。爛銻罉、爛銅煲、銻煲，爛爛都買。有乜玻璃樽就�H藥水
樽，有乜銅仙鎳幣，書紙報紙舊�H新聞紙，有就趁貴拎嚟賣嘞……
30:月光曲
月光光， 照地堂， 年卅晚， 摘檳榔， 檳榔香， 摘子薑， 子薑辣， 買馬鞭， 馬鞭長，起屋樑， 屋樑高， 買張刀， 刀切菜，買籮蓋，籮蓋圓，買條船，船無底，沉死兩個番鬼仔。
31:搖, 搖, 搖, 搖到外婆橋， 外婆話我好寶寶， 我話外婆麻甩佬。
32:肥仔肥藤藤, 買舊豬肉去拜神， 行到半路瓜老親。
33肥仔嘜， 牛油搽屎<拂>， 凍水洗唔甩，熱水<辣>屎<拂>。
|
| 發表時間：2007-05-28 10:58 PM [ 訪客留言(0) ] [ 編輯日誌 ] [ 分享至FACEBOOK ] |
2007 年 5 月 25 日 星期五  |
| 表演啦! |
分類: KuGi |
今朝一早七點帶 KuGi回校set頭同換衫,然後等左好耐先表演,表演後KuBa仲帶左KuGi俾我見佢個花面貓! |
| 發表時間：2007-06-27 08:15 AM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 5 月 25 日 星期五 |
| [ 此日誌受密碼保護 ] |
分類: KuMa |
|
| 發表時間：2007-05-25 09:49 AM |
| 2007 年 5 月 24 日 星期四 |
真係肉痛  |
分類: KuMa |
話說早幾個星期開始好乖咁每星期去做兩次通淋巴,明顯地小腿後面無咁實,按的時候亦無咁痛,除左按之外,係屋企都有用TATAKE拍下,同按下,所以OK!同KUGI綵排完,仲食埋飯,趁KUBA及KUMAN去買童軍棍,就去做淋巴.今日開始通埋前面大腿及小腿,一按就嗌晒救命,真係肉痛!跟住仲開多一個COURSE,肉痛! |
| 發表時間：2007-05-25 01:15 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 5 月 24 日 星期四 |
| 畢業禮表現綵排 |
分類: KuGi |
今早,陽光普照,很想去沙灘玩下,可惜泳芝要回校綵排,不能去遠的地方玩,也不能玩得太勀,因為明天表現要一早七時前回校換衫化妝,真係好緊張呀,第一次ma! |
| 發表時間：2007-05-25 09:55 AM [ 訪客留言(0) ] [ 編輯日誌 ] [ 分享至FACEBOOK ] |
« | 18 | 19 | 20 | 21 | 22 | 23 | 24 | 25 | 26 | 27 | ... | 29 | »
|
KuGaGa Blog
