今日又照常約左勁出黎食飯，琴日佢部腦中左d病毒....所以今日佢要係夏日炎炎既下午搬部腦去整...我認承左佢幫佢搬去同搬番番黎...上樓佢就要自己黎^^本來想幫埋佢上樓..佢話唔駛，我自己黎。唯有係樓下等佢...之後就要去旺角..因為約左鋒一齊去搵工做。
我地首先係旺角行陣，等到2點半就去食下午茶餐^^，係米好精明呢....食完野，傾左陣計。就要出法啦，我地首先去左一壽司到見...因為佢地有d fd係果度做....我地去到...都見到有兩個係到等填表...有一個唔知點咁....無啦啦對住我笑...我個樣好好笑咩 ....之後填完就交表，佢話要等1星期通知....我想都無咩希望，果間好多人去見。
之後就同勁、鋒去第2間到見，就係北河道活壽司...個fd生日我試過同佢去食...兩個人食左4xx，都好貴.....我地去到都有一個人係到填...之後我地3個都填完...個師傅好似唔多想睇份表，然後佢講解左d返工時段.....之後就話等通知。鋒話果個師傅好威嚴....我同勁都覺得係，不過個師傅後面果個仲恐怖....仲cool。
我地就去第3間出法就係始創中心既和X亭，去到都係填3張表格，都填到熟哂咁制，間間差唔多都係咁既格式.....然後個師傅就黎，個師傅勁候生，不過個樣好有威嚴....我地都覺得佢好店^^...佢就話去尖沙咀返得唔得，因為果度都有間。可能佢果度滿哂人......佢講解d人工同勤工獎幾錢....講埋準貼.....之後就講今晚或者聽日果邊個師傅就會call你地。我地覺得呢間最大機會請^^
最後就係去第四間出法...果間野都係始創中心入面，不過係地庫..果間野叫和民...果度d裝修格局都好特別...又係填表既時間....填完釘埋相..個職員又係個句..等通知....我地聽都聽到厭。
之後勁同鋒就去航屋企集合，因為佢地今晚約左小學同學同埋d老師一齊打邊爐^^見佢地搞得咁開心...我都想搞番個...不過小學同學d電話都唔知飛哂去邊...我想呢個願望都好難達成.....不過今晚..我覺得超人係最開心果間...因為佢好難未見個d小學同學and老師^^希望佢地今晚玩得盡興d...因為唔知幾時先可以再見面。
之後11點用電腦...想睇下佢地番黎未.....點知一個都未返..我都估到佢地玩好夜....應該去左酒吧到玩^^上星期六同佢地去酒吧都好開心.....需然我去到好似無咩野做...不過睇佢地飲酒..玩鋤大D...同埋8張and抽烏龜^^都睇到我開心....我果晚飲左一杯就夠...都唔知d酒有咩好飲....好鬼苦...哈哈..我為左8掛，我係msn等佢地返....點知我等到3點幾就頂唔住訓左。然後6點半再起身。佢地都未返，我念佢地一定玩得好開心 。到左7點幾，勁send信息黎叫我唔好約佢出黎食，因為佢現在先返到屋企訓覺。唔知訓到幾時^^其實好朋友唔需要講好多野，只要係佢地身邊聽佢地講同笑就已經好開心^^以下係去camp其中一幅相^^
|
