今日同琴日差唔多，小息係到計數，放學繼續做數加溫英文，6點幾就走啦，返到屋企好累，但係唔訓得，繼續溫英文，個頭好痛，之後食在粒藥，無幾耐好番好多，之後繼續，希望聽日唔好好似今日咁啦~~~~

            今日地理堂測驗，測完驗，上左一陣堂就放小息，之後到數學堂，一路做數做到落堂，星期五測數學，要溫書啦。之後到英文堂，終於有野做啦，星期四默書。之後到中史堂，要做論文，諗篇論文，諗到癡哂線，放學繼續做論文，四點西史補課，做會考題，5點補完，繼續做論文，做到6點做完就走啦，返到屋企，仲要諗西史論文，好辛苦呀，個頭好痛，又好累=.="，無辦法啦，努力~~~~

            今日放學就落去開會，開完會就上番班房做功課同溫書，之後聽日就要補西史，聽日仲要測地理，今日返屋企再溫過，今日放學同校長傾左幾句就閃人啦。好累~~~~~