今日一起身就online，點知比人叫左我去睇人踢波。我9點幾到，佢地仲踢緊。本來唔想阻住東京，但係佢話不如上佢屋企，食午飯。之後就上左去，見到佢細佬軍訓完，黑左勁多。僑就播左套電影比我睇，果套野真係幾無聊..........之後僑媽媽就落去幫我地買野食。食完坐左陣，然後傾計。之後就返教會。今日嘰活動都係迎新，因為我地多左個女傳道。玩左3個遊戲都幾好玩^^，之後就幫人慶祝9月生日。無幾耐就走啦，同僑行返去大角嘴，我就坐巴士走啦。其實今日黃光輝講嘰野，希望今晚諗得通，同埋好多謝僑今晚同我分享，我今晚會好好諗下個問題，希望聽日答到你^^僑今日咳得好勁，希望佢快d好返，願主祝福僑。

            今朝我8:45起左身，僑都起埋，然後就清理牙齒，一齊食早餐。之後佢就借套校服比我著返學校，好感激佢。返到去發覺自己個班好陌生，之後就聽班主任講野，然後比人屈左做上截功課記錄表呢個職務。之後搞店哂d野，就落去搵佢地一齊食飯，去旺角食完飯後，僑同我就返大角嘴，我上佢屋企換衫返屋企，僑就換衫準備出去，無幾耐就一齊出門口，我就坐巴士返屋企啦。兄弟情對我黎講虛無飄妙，唯有朋友之間的情義，我是有的，我要好好珍惜。

            今日下午約左和、榮、杰、家文同僑打羽毛球，我打足2粒鐘，好累，其間有d事發生左。就上左僑屋企借褲，僑話今晚你可以係我屋企過夜同埋聽朝一齊返學。連僑媽媽都叫我，咁我就留低。其實我想同僑傾計，好耐都未同僑正正經經傾過計，但係好難開口，算啦，遲d有機會。我係佢屋企睇在三套碟，都好好笑^^。發覺僑已經有d改變^^呢d係開心嘰事。之後佢就打返之前去camp嘰日記，佢話唔記得入面d細節，佢就係到諗，佢就叫我早d訓，我就訓左佢張床，僑訓佢細佬張床，佢打到1點幾就訓啦，我其實差唔多無訓過，可能我睇左個鐘嘰關係啦。^^聽朝返學。