今日係我聖誕節最開心的一天，今日3點前要返到教會練歌，因為今晚係平安夜晚會。我行路返教會果陣，途經大抗東，見到個的士司機個睡姿好型，不過好嘔心，隻腳放係個倒後鏡果到，然後另一隻腳踩住部的士前面塊波離到，然後將手放左係胸前，頭向後臥，沿途好多路人見到，都覺得好笑^^"過左10分鐘，我就返到教會啦，一返到去，我就見到飛、恩同東京，一入到去，呇a就叫我拎禮物出黎，因為今晚有個節目係抽獎，個個都有架^^"

       然後班女仔其中兩個返到黎，就係carman同青蛙啦，carman同青蛙叫我地要開始練歌，無辦法啦，之後我地四個男仔同兩個女仔就開始練歌啦，唔經唔覺都練左好耐，然後芳芳同西瓜都返左黎，後來連信都返左黎，不過男仔有兩個遲哂大到，就係家文同符錐，佢地下午去左大埔海濱公園，等到佢地6點幾先返到黎，我地都差唔多練完=.="，之後麥皮都返到黎，終於人齊啦^^"，然後就係排位啦，Anomie同我地排好次序，就將我地分開一行行坐，無幾耐平安夜晚會開始啦^^"

        一開始既節目係由Anomie同Alax主持既遊戲，因為恩之前激嬲左Anomie，所以呢個遊戲恩都有份玩，本來我唔駛架，點知比人推左出去玩，東京同家文都有份玩，仲有其他人，我地分左做兩組，一組叫白雪公主組，一組叫暴龍組=.="我同東京，家文係暴龍組，我個樣似暴龍咩=.="我同東京負責食花生，家文同另外一個人飲汽水，不過我地個組輸左，不過輸左比贏左果組好好多，我地有賓紛樂朱古力食，呇a有兩疏蕉，所以話贏左都未必係好事^^"玩完呢個遊戲之後，就到下一個節目啦，Anomie今次抽中符錐玩呢個遊戲，唉~~~~唔好提啦，之後玩既遊戲係咁玩法既，有一個出奇蛋擺係麵粉到，要用間尺將d麵粉隔開，隻出奇蛋唔可以跌落黎，點知符錐連小朋友都.....都係唔講，符錐出矛招，每次隔小小，就話玩左，都唔認真，然後我地全部人都話完佢之後，佢先認真小小玩返呢個遊戲，最後抽中吸塵機走，我地初初都以為好好啦，後來就...等陣你地就知，玩駛遊戲，現左呢段時間就係抽獎啦，恩抽中阿爸損出黎既錶一隻，都好靚架^^，Anomie同Alax就話食完野先再抽過，於是我地就分批去拎唔同既食物返黎，齊齊分享，我地都食得好開心，不過恩就....因為恩唔舒服，所以佢食左一塊三文治，之後就無食個其他野，之後又係抽獎既時間啦，我抽中西瓜既毛公仔一隻，東京就抽中家文既相架，麥皮抽中護膚品=.="，而信同恩抽中記事簿一本，符錐抽中一隻都好靚既杯，不過符錐拎黎果份文具套裝真係..好..，令到個小妹妹好唔開心，符錐仲係到笑，唉~~~，之後就到布佳音既時間啦，我地每人拎住支螢光棒，然後就落去布佳音，我地一路唱，一路行，我地最尾黎左一間銀行既入口到唱詩歌，唱唱下，見到恩個數學Miss，拖住一個男仔既手，行緊過黎，Miss同男朋友一齊唱詩歌，不過呇a唔係唱左好耐就走啦，之後我地唱多一陣都結束左。

         恩就打比加賢，睇下佢地果邊完左未，之後我地就去搵加賢佢地，之後就上左去搵加賢，我地落哂去樓下，然後就一齊研究有咩地方去，然後我地決定去山頂睇日出，我地就一齊坐地鐵，我地落左車，行左好多路，加賢叫我地去左洗手間先，唔係去到果到好難搵洗手間去，突然有一個女保安員係洗手間行左出黎，本來係唔得人驚架，不過佢著左套螢光衫，同埋隻手拎住一枝電通，枝電通令到件螢光衫發出綠光，嚇到蔓華同高八度尖叫，蔓樺仲嚇到扯住恩件衫，唔好話，我都比個女保安員嚇親><"，之後我地就分批去洗手間，其間仲有d事，發生，不過唔打囉，我地問左好多個人，不過都係行錯=.="好累，不過唔緊要，一大班人好朋友係到，係好開心既事，所以唔緊要，我地終於搵岩路，仲岩岩趕到最後果班覽車上山，我地仲係車到影左幾幅相^^，上到去d風吹埋黎超凍，然後係山頂果個商場，影左幾幅相^^，之後就行上山啦，不過都係行錯左路=.="，最後恩同郭子上去探路，佢地好勇，不過都係行錯路，最後落返山，行另外一條路，終於行岩啦，我之前米講過符錐抽中架吸塵機，我地好才無抽中姐，符錐由布完佳音之後，就一直拎住部吸塵機周圍走，連上山頂都係到拎住，笑死我地^^"，之後我地就坐係個亭到休息，我地係到講鬼故，同埋玩左d小遊戲，之後我地就一路講笑，一路行，我地終於行到上去，我地就唸住係果到等日出，誰知個個都很累，於是個個坐哂係到休息，不過d風狂出過黎，超凍，凍到我地個個叫救命，我地坐左一陣就起返身，等日出，6點幾啦，個日出都未出黎，過左一陣有d光出現，不過有一舊好厚既雲擋住左個太陽，搞到我地睇唔到，好慘><"，不過都好開心，之後我地就落山坐巴士出去食早餐啦，我地係架巴士到訓著左，之後到左總站先起身，我地全部去左食M記既早晨套餐，食完之後就走啦，我就上左恩屋企訓教啦，今年平安夜，過得好開心^^。