今日返到學校就上左佢地班到溫書，順便比錢東京下午幫我買飯，溫溫下又夠鐘落去啦，今日要考三科中文，考第一科係閱讀理解4篇，之後考完就放小息，之後再考作文，考完作文，莊sir唔知食左咩藥，鬼死咁早放我地食lunch，上到去就繼續溫書，點知，東京就叫我落去幫佢買野飲，算啦，佢考試其間都有鼓勵我，我好感激佢^^"，食完飯，溫多陣，又要考試啦，發覺考d野係唔駛溫架，點知最尾果份卷，聽完部錄音機講既野之後，又要作文=.="，被佢玩死，聽日考地理，考完仲要補課，好累啦，打到呢到為止。

            今日考英文，返到學校就上去佢地果班到，溫陣英文，溫到8點就落去集隊~.~，去到禮堂，鬼死咁恐怖，肥李同賓妹已經係到狂鬧人，點知肥李無啦啦對住我笑，我當時都唔知發生咩事，然之後，佢行埋黎，話份卷，佢出，嚇得我，以為我做錯咩事 ，之後就測驗份卷，就落左去下面，放15分鐘小息，放完上到去就考英文作文，我唸緊篇文點作既時候，恩佢都個班果英文老師既電話無啦啦發出好似蠅蝧咁既聲，搞到d老師同d同學係到笑，佢仲笑笑口講sorry^^，然後我就好努力咁作文，終於作完啦，原來終有30分鐘，我就周圍望，望到恩果班個英文阿sir，一路望住我，我就望返佢，然後佢係到奸笑=.="，我好無奈....，之後佢無啦啦行埋黎，望住我份卷，然後動一動像眉，望住我，我唔知比咩反應佢好，之後就夠鐘收卷啦^^"，今日放早，就上左佢地班果班到搵東京佢地去食飯，食完飯，佢地返學，我就返屋企溫書，慘啦~~今晚大把野溫，聽日考三科中文，，考到2點45分先放 ，今日打到呢到為止啦。

        今日食lunch，本來想去茶餐廳，點知今日d野食，唔岩胃口，之後我地就去M記，點知M記無位，我、東京同異獸就去左食車仔麵，食完就去買野飲，飲緊野果陣，無啦啦係到講笑，搞到我差d嘔奶(維他奶)，之後就上左佢地班，然後再上堂，之後就放學啦，今日無等佢地，因為要早d返屋企，準備溫習，聽日要考英文作文，同英文，唉~

希望聽日考試成功啦，(我都想係~.~)今日打到呢到為止啦。