今日朝早比果個人搶左部腦用，搞到我坐左係個梳fa到睇書同睇電視，終於睇到食飯，食完飯就換衫準備返教會，2點05分出門口，途經大抗東，沿途見到好多雀仔，好得意^^，有時見到d雀仔，天真活潑係到飛黎飛去，d煩惱都一掃已空，睇多一陣就走啦，之後返到教會，淨係見到東京，飛，西栖同佢個fd係到，飛就係到狂搵歌，而東京就係到睇住佢搵歌，我都睇埋一份，東京問我夜晚去邊，我都答坉屭魽A因為我都唔知，之後恩就返到黎啦，之後d人輪住輪住返到黎，不過要3點先開始今日既活動。

            今日既題目係感恩，首先就係詩歌分享，然後就係經文分享，之後再睇套30分鐘既電影，個天使都幾可愛，不過入面d人好似拍寫真咁，係到狂擺姿執，睇完套電影，朱生話分開兩組，討論感恩既問題，我地分左男，女兩組，我地男仔就係入面間房，女仔就係出面。stephen同朱生帶我地男子組，朱生話搵你左手面個人有咩恩典，我聽左東京對我講既恩典，我有d感動，因為我之前做錯左一件事，令到我本來已經無得讀書，但係多謝佢地不離不棄咁幫助我，而東京話我既恩典就係(好開心見到冬瓜讀返書)，我其實當時好想喊，不過忍住左，之後我地個個分享完就到朱生同stephen幫我地祈禱，祈完禱，我地就出左去玩UNO，玩到5點40分就停左啦，因為大人果到6點有聚會，所以我地要早走，恩就返屋企拎紅酒同約郭子，我同東京就行旺角，一路行，一路等電話，突然飛打黎話，話我地係邊，我地就約左飛去商務印書局到等，之後無幾耐就見到飛，等多一陣，連恩同郭子都到齋，我地一路行，一路唸今晚去邊食，飛話不如去廟街食煲仔飯，我地搵左好多檔，不過最後我地都搵到有位，之後我地各人都點左唔同既煲仔飯食，飛叫左個大豪餅食，我一吸到d油煙，我就會頭痛，之後佢地就問我發生咩事，我就話頭痛，sorry，嚇親你地，我地食緊果陣，杰打黎問我地係邊，我地就話係廟街食緊飯，我地本來約左係廟街7仔等，點知我地食完，佢地仲話係旺角，佢地話行多陣先，之後我地就決定唔等佢地，我地就開始準備行去尖沙咀，但係睇一睇個鐘，仲咁早，於是我地就行多陣廟街先去，行完廟街，我地真係出發去尖沙咀啦。

            誰知越行越多人，我地行到去海徬啦，誰知比我地想像中仲要多人，之後杰再打多次電話黎，話黎緊尖沙咀，於是我地坐係d欄桿到等佢，等左好耐，飛同東京都話想走，其實佢地一咁講，搞到我有d唔開心/.\之後，我地打比杰，佢地話到左尖沙咀，不過唔入黎，我心唸，大佬黎到尖沙咀先話唔入黎，好玩野姐，之後，我地就放過佢地，之後飛同東京真係走左，得返郭子，我同恩係尖沙咀果到，我地睇一睇，咁多人，等陣倒數完，點走好，我地就決定係尖沙咀跑返去奧海城2期，我地係尖沙咀已經急步行緊，然後去到無警察封路既地方，我地就開始係咁跑，一路跑，一路睇時間，我同郭子差唔多跑到過去果到，突然胃痛，恩就好似火箭咁狂跑，我同郭子都追唔到，唯有慢慢跑，最後都係趕唔到，我地跑到果身超熱，我地就除哂d外套，我好不幸，居然跌左件衫，算啦，都行左咁遠，唔通真係行返去拎番件衫咩=.="，之後我同郭子就上左恩屋企開紅酒，不過我絕對無飲，郭子飲左小小，不過恩居然飲哂半枝，咁勁.....之後郭子留到3點幾就走啦，不過其間西瓜打左電話黎，有三個浴樹淋風，英俊肅灑既男仔係佢隔離，聽佢咁講，我都知佢地係邊個啦，算啦，唔打佢地個名出黎啦，我叫佢地輕友，算啦。之後我同恩就一齊睇陣漫畫就一齊訓左係間床到傾計，傾到6點幾先訓，其間傾左好多野，人同事，咩都傾。下篇再續....

          今朝起身既慣性動作就係開著部腦，依然係上icq,msn同聽歌，過左無幾耐，又有人online，然後同佢傾左幾句，然後上網睇笑話，點知d笑話一d都唔好笑，之後東京online，問我下午有咩做，唉~~~我平時都無野做，都唔知點答好，加上如果果個人返左黎，就更加無心情，之後只好重睇king kong ，感動到我落眼淚，之前係戲院睇無落淚，可能係果陣隔離有人既關係，今日竟然落淚。睇完king kong之後，就打番平安夜果晚篇日記，打到6點幾，果條友話用電腦，我米比佢囉，唔係又鬧過，近日我身邊既朋友病左，希望佢地快d康復啦^^，今日打到呢到為止啦。

      經過琴日同阿哥鬧左一場架之後，朝早心情都係麻麻地，一起身就開著部腦，開icq同msn，然後聽音樂，然後就一直online，突然我唔想見到既人返到屋企，然後又進行了一場罵戰，心情非常惡劣。我就入了自己房換衫出街行，散散心都好，好過留係屋企對住個咁嘰人，我去左旺角行，一路漫無目的，自己一個人無無聊聊咁行，唸左好多無謂野，唔經唔覺到左6點，之後就坐車返屋企食飯，之後就一直係到睇恩借比我既心理學書，發覺又幾好睇，睇到9點幾，我阿哥出左街，然後我就用返部電腦，然後我又做返今朝早做嘰野，上icq同msn，不過今晚都無咩人add我，今日係我重打日記既一日，今日打到呢到為止啦。