今日考經濟，我一返到學校，又上左佢地班房度傾計同溫習，話咁快又要落去考試啦><"，考完之後，行緊去地鐵果陣，突然有一隻巨手搞我，我一另轉面，就見到阿培，然後同佢傾左一陣，就唔阻住佢返工，我就返左屋企啦，聽日考中史~.~"，要加油...今日打到呢度為止。

            今日又朝早5點半起左身溫書，今日考數學同中文鈴聽，今日返到學校就上左佢地班度傾陣計，好快又要落去排隊啦。好快又考完今日要考既野啦，然後就落左下面睇書，睇到12點就上左去等佢地一齊食飯，食飯果陣，飛又講笑話，笑到我同符錐食唔到野，食完飯出到黎，飛又搵符錐家姐開玩笑，搞到符錐一路笑，一路追住飛打，之後上左佢地班度坐一陣，就返屋企啦，聽日考經濟。今日就打到呢度為止啦^^

            今日5點半一早起身溫書，溫完就返學，返到學校又上左佢地果班度一路傾計，一路溫習。之後又夠鐘落去排隊，考西史果陣，火到黎埋，我溫咁多為咩，佢出一題，之後考完之後，就宣佈今日既中文口試，要延遲30分鐘，我本來11:45分考，點知11:45分上去，原來考到19號，真係比佢玩死。之後，我就偷偷地約左佢地去食飯，食完飯，返到去岩岩好，等左15分鐘就入左預備室度預備等陣既講詞，真係比莊sir玩死，又話淨係考讀文章，點知要考埋三分鐘既講詞，我抽中既題目係(你同唔同意生物復製技術應用係人類身上)，好才平時有睇開新聞，唔係真係瓜~.~，好才個監考老師唔係莊sir，今日莊sir異常凶狠，佢今日染左一頭金色頭髮，仲要帶埋眼鏡，我聽人講4D考口試，暫時黎講無個合格.......我考完大約1點40就走啦，今日要溫數學，今日打到呢度為止。