後日就係考試週啦，心情非常不安 ，最尾果兩堂肥李走左入黎，講一D人生道理，同埋講左出年好多新課程，搞到我出年唔知點算好，唉~~~，都未到出年，唸咁多做咩呀 ，自己煩自己，之後放學就等埋佢地一齊走，我培完佢地返大角嘴之後，就坐2E返屋企，睇到電視係到播緊李連杰，佢講左d道理，人一生出黎，就要面對死亡，如果理解左死亡，你每一日都會積極學習，甚至玩果陣，都會盡情玩樂，人生就會積極起來。佢講d野都幾有道理^^"，返到屋企又要溫英文啦 ，今日打到呢到為止。

        今日同東京第一次，返朱生主日學，係地鐵撞到大May，之後見到東京好急咁衝左出去，我都追唔到佢，之後差唔多出到地鐵個出口果陣，大Ken扮好忘咁撞到我，當時我都唔知做咩，我呆左係到~.~，然後返到去，見到好多導師係到，d導師叫外賣既時候，大Ken走埋黎，問我地食左早餐未，我話你請，我唔介意，點知佢話好，估唔到佢黎真，咁就有免費早餐食，之後就一路食，一路上朱生既主日學，第一堂得我地三個人，不過第一堂都唔錯^^，我同東京都幾enjoy，之後等左好一陣，恩就返左黎，之後就崇拜啦。

       今次係 Astra家姐講道，佢家姐好風趣幽默，個個都聽得幾開心，佢話光輝係老餅，都幾好笑，第一次，聽到有人咁叫，之後崇拜完左，我同東京就去城大先，我地去到打電話比carman，佢居然仲未到，佢話遲d先再打電話黎，我同東京食埋飯，佢都未打電話黎，我地再打電話去，首先係無人聽，之後佢打返電話黎，話行緊街，遲d先過黎溫，叫我地溫住先，我地呆左，後黎等埋恩同stephen就去搵房，溫習，搵到啦，我同恩就做功課，而僑就要裁培，佢今日要升lv，之後我差唔多做完中文功課，佢先 up完 lv，佢變左lv3，之後大家就繼續溫習，除左stephen係到睇埋d有色情既漫畫，溫溫下習，突然有一個管理員衝左入黎，話要鎖門啦，之後我地搵過第二間，點知過左無幾耐，個管理員又黎，話鎖房，stephen就話，又係你，唔好趕盡殺絕，我地就繼續去搵房，搵搵下撞到杰，榮，同埋西瓜，carman同麗珠，原來佢地約埋去行街 ，之後我地又搵到房啦，我，恩同僑6點就走啦，比平時早走好多，因為僑既爸爸生日，要返去食飯，恩就去上急救，佢今日係第一堂，希望恩順順利利啦 ，我6點半就返到屋企食飯。今日就打到呢到為止啦。

        今日係星期六，所以下午既節目都係返教會，返到去得恩同信，同埋幾個妹，我返到去放低d野就去7-11買野飲，落到樓下，見到僑，佢剪左個頭，個樣無咁惡，仲有d陽光氣色，恩剪左頭髮都年青左好多^^"，去到7-11買左包芒果汁飲，返到去，都要等多一陣先開始，今日係stephen主持，唱完歌就開始玩遊戲，第一個遊戲，都好難玩，3:1比人贏左，之後就到查經，有件事，唔記得左講，就係之前同恩、僑玩猜輸左，就比人用原子筆劃手，我點知狂輸><"，仲要比佢地劃左隻龜係我隻手到><"，不過算啦，玩下姐^^"劤查完經就分組討論，討論完畢後，我地就同信去睇衫，點知上到去，大多數衫都唔係咁好睇.....之後我地就走左，恩話要幫佢阿哥買野，我同僑就培佢去買，佢買完，我地就去食野，飲野，之後就一齊行返屋企，培佢地行返大角嘴之後就坐2E返屋企，坐車果陣，撞到信，佢岩岩剪完頭髮，今日都過得好開心^^"