今日唔知點解好累咁，上堂就係到發呆。之後就食飯啦，今日食飯好怪，人請我，我請人。仲要被兩個人狂插。算啦，好耐都未試過咁啦。都幾開心^^，食完飯就繼續上堂啦，最尾個兩堂最辛苦，係中文=.="，之後就放學啦，今日無等佢地就走左啦，我要去醫院接阿爸，佢出得院啦。今日都係唔跑住，隻腳好痛，加上聽日要打羽毛球。今日打到呢度為止啦。

            今日返到學校就上左佢地班度幫東京整頭，因為今日佢地拍畢業相。唔知點解有種唔知係咩既感覺.............之後到食飯果陣，佢地都唔出去食，我今日就同猷、和去食金太郎。發覺都幾好食，唔係太貴。之後放學，無得睇佢地打班際...趕住返屋企換衫，探阿爸。點知阿媽話食埋飯先去。總之睇埋佢地打先返屋企啦。探完阿爸之後，就返屋企換衫，就去跑步啦。今日跑果陣，發覺d人仲多過琴日.....仲發現有人練手球，d女仔打得好勁，跑跑下，撞返琴日果個姐姐，跑到10點就返屋企，今日打到呢度為止。

        今日放學睇佢地班際籃球賽，第一場係F.6vsF.7，不過都唔好睇既......之後到第二場，係F.5Av.sF.5D，呢場打到好精彩....打得好激烈。我都唔記得邊隊贏啦...聽日佢地都好似有場籃球比賽。佢地打完波，有d就去左旺角買野+睇野，我地就走先，因為今日開始，我夜晚要跑步，點知返到屋企門口，點知無人係屋企，搞到我落返樓下等，等果陣就做哂d功課啦。做完上返去，岩岩好有人返。食完飯，就上去公園到跑步啦，跑左好耐，行左一陣就開始做sit up啦，做左70下，不過係分開做^^，之係繼續跑，估唔到有咁多人跑步....我仲識左個大我幾年既女生，原來佢日日都有跑。我跑到10點就同佢say Good Bye就走啦。聽日繼續。今日打到呢度為止。