今日同東京10點30就走左啦，我地返番大角嘴食早餐，食完早餐就走啦，返到屋企就開icq問恩今日係米去城大溫書呀，我都估到係架啦，我去到城大搵極都溫唔到佢地，我就上左7樓到打電話比恩，佢話岩岩有人用左間房，所以轉左房，佢地係樓下門口等我。我就落返去樓下搵佢地，我就以呢個似笑非笑，似嬲非嬲既樣比佢地睇，搞到佢地唔知點好。我就講返星期一點解無人叫我去榮屋企，搞到恩佢地好無奈，然後等埋東京就去左搵房啦。擺低d野之後，恩就叫我培佢去買野食，唔知係米佢以為我仲係好嬲，定係出自真心，佢話請我食野，之後返到去做功課，差唔多做完果兩張工作紙，大混戰開始啦，戰況激烈...................之後無幾耐個保安員就入左黎，我地就收拾緊書本，然後就走啦，今晚我地決定早小小返屋企，今日打度呢到為止。

           今日約左表哥11點係旺角地鐵站E出口等，表哥果然準時到，我地就係波鞋街度，周圍行。點知d鋪頭都仲未開，我就同表哥去食d野先，食完野之後，d鋪頭已經差唔多開哂。表哥話允記2樓有羽毛球拍睇，我地就上左去睇拍，不過好多拍都好貴，有一塊仲要1XXX元。表哥幫我選了一塊280元，不過都幾岩我。買完拍之後，我地就去奧海城2期M記果到等佢地，我地等左一陣就見到恩黎左，之後又等左無幾耐d人就黎齊啦。

            去到會所，擺低哂d野就同表哥打幾球，原來佢好勁架，打左無幾耐就出哂汗。之後恩同僑都入左黎打，打在好耐，打到我地都死死下，之後打完就同僑去換褲，同僑去之前就送左表哥去地鐵站先，之後就同僑去換褲。換完褲之後，就返屋企沖涼換衫，再出過黎，今晚約好左去家文屋企玩。去之前就去城大到集合，加溫陣書，然後再等埋伍皮。就可以去啦，今日係城大，carman帶左個小妹妹黎，好可愛^^。麗珠今日都係到，無幾耐又發生大混戰，到左7點就起程啦。

            約左伍皮係荔景等，之後就一齊去青衣坐巴士去家文屋企。落左車，行左一陣就見到家文黎接我地^^，佢帶左我地去大家樂食完野先上佢屋企，上到去佢屋企，一入到去就見到兩隻龜係到周圍走，好可愛，之後佢地就開始打麻雀啦，我就一直睇書，佢地就一直打，恩打到11:25分就走啦，佢約左佢阿哥去食宵，所以佢早走。不過其他人就唔經唔覺又打到3點幾，個個叫哂救命，個個都想食野，家文將廚房所有野食，都拎出黎，首先係年糕，之後係雞蛋，再黎就係家文做既蛋糕。都幾好食，然後家文就入左去用電腦，我就入埋去，問佢有無down加旋劇場板，佢話有，我就同佢係到一路睇，一路笑，都幾開心。我同家文睇完，已經係5點幾，出邊班人都打完，個個差唔多訓哂，我同家文係另外一邊傾計+玩，我同家文6:30先訓，我9點30分醒左，我同東京10:30到就走啦。

            今日難得阿媽放假，一定要去拜年，一朝早10點就去左隔離樓既親威屋企拜年，拜完年之後就返屋企食飯，食完飯，休息在一陣，又要去第二個親威度，一上到去就見到個我唔識既人，同我差不多年紀，然後我阿媽話佢係我表哥，我呆左，我都唔知有個咁候生既表哥，之後就同佢傾計，發覺幾岩key。佢就約我聽日打羽毛球，佢仲叫我約埋d朋友一齊打，我聽日又要去買拍囉，都唔知聽日邊個得閒，原來佢星期五就要走啦。就培下佢啦。然後就去下一站目的地彩虹，一上到去又見到我識既人，佢就係我由細玩到大既朋友，不過佢讀緊中六，我同佢既距離好遠，之後就同佢傾計啦，傾到六點幾就走啦。一返到去就煮飯食，然後本來要去多一次拜年架，不過我唔去，因為要預備d野。今日就打到呢度為止啦。