今日得我返教會祟拜，恩好累，加有人去佢屋企拜年所以唔返，而僑話有好多功課，所以無返，搞到我無咩mood返。不過係屋企又好悶，所以返左，返到去個個見到我一個，就話佢地呢，我就快佢地個個今日唔得閒。今日阿培有返，佢仲屈我，話我係街童。祟拜果陣，我係到鈞魚，比大kent整醒左...之後大kent就話我一個人返咁乖就請我請午餐。好多謝佢，我地去左食拉麵，師父同師母都係到。我叫左碗小辣既拉麵....而師母叫左碗大辣既拉面，佢碗野簡直係紅過血，好恐怖，問佢辣唔辣，佢話唔辣，師父都話佢好食得辣。我試左佢小小湯底，已經辣到我死.....食完就聽佢地返工既趣事。食完返教會拎完野就走啦。

            然後自己一個人行返去大角嘴，我都唔知點解會行去大角嘴......之後再行返去屋企，然後再去模型鋪睇下，之後就返屋企，我阿哥用電腦，我就下午睇書。聽日返學啦><"今日打到呢到為止。

        今日朝早去阿爸屋企拜年，我9:45分到左，見到家文同阿爸，阿爸話屋企d野飲唔夠，所以我地去左買，買完返黎，見到d人都差唔多黎齊哂，然後就上左阿爸屋企，一入到屋，佢已經頒利是，之後佢就入左廚房煮野食比我地食，食食下肥恩同carman都黎到，我就叫恩煮麵比我食^^'，唔知係米近日心情唔多好，越食越多野，我仲比人話肥仔，唉~~~，仲話我咁肥仲食公仔麵。超傷我自尊心......之後就各有各玩，之後就同芳芳慶祝生日，見到蛋糕都唔禁食，比人話肥仔................之後就同carman同雪妮、恩同阿媽玩uno，玩左無幾耐，就去朱生屋企拜年。

           去到朱生屋企，坐左陣，食左d野，就進行新年團拜，首先係唱左兩首詩歌，然後玩一d小遊戲。然後就估IQ題，我係一題都估唔中，估中個果有利是收。我、家文同符錐都估唔到，就同每一個人講一句祝福說話，對於我呢講，好困難，然後就走啦。慘啦無得返屋企，我阿媽，阿哥返哂工。然後就去左旺角，同佢地一齊行返去大角嘴，送左東京返屋企之後就獨自行大角嘴，發覺無咩野好行，就行返屋企啦，返到屋企果陣，居然係樓下撞到我阿哥，然後就返屋企啦，今晚唔食飯啦，唔想比人叫肥仔。

            今日下午我地又去左城大做功課，做做下又訓著左，今日東京同carman佢地又進行罵戰，好恐怖。做完功課之後，就無無聊聊咁坐左係到傾計，傾到8點30，然後就一齊走啦。今日打到呢度為止。