今日係新一年既開學日，我今日好才無遲到，不過就好累=.="，上頭個三堂，我唔知點解係到釣魚，可能係太累，d野入唔到腦，之後小息就搵佢地，傾下計，之後就上體育堂啦，唔知點解個阿sir講講下野，會講左性知識，可能我果班d人變態啦，越聽越多人走埋黎問問題=.="，上完體育堂，就去食lunch啦，今日麥皮約左個女仔食飯，去食飯果陣，唔知點解我同東京就係到狂講輕友黨，成員包括杰，榮，啟豪，之後我地就選C餐唔知點解去到果間餐廳，我就不自然地選C餐，我地食食下，其間有講有笑，不過杰今日唔舒服，所以無咩講過野，無幾耐，麥皮拖住個女仔，步入餐廳，佢地就開始叫野食，東京同符錐就係到研究，我就無理會，因為呢d野我見慣，所以無講野，食完野，我地就走先，麥皮都食完野，就送個女仔走啦，之後我就上左佢地班啦，之後上埋果d堂，就補SBA啦，補完就搵佢地一齋走啦，走果陣，東京又開始講返今日d野，就係麥皮拖住個女仔果d野，恩就同我以前既小學同學一路傾，一路去小巴站，因為佢地係住同一座大廈，我同東京就傾左d關於成績同一d笑話，落車果陣，東京不停係到唉~~~我問佢發生咩事，佢話到左新年，好多野都變左，我都有同感，之後佢就返屋企，我就係巴士站到等車，等車途中，唸返起，好多野，例如我講大話，去外國讀書，傷害左好多人，包括:東京同恩，我琴日睇左恩果篇日記，越熟既人，傷害越深，我可能做錯太多野，我d朋友話我好，其實我覺得唔係，如果係，我就唔會傷害到佢地咁深，我係到承樂，如果佢地有咩野，需要我幫既話，我會盡力幫佢地，就算係生命，我都會願意負出，其間回憶返相遇佢地既情景，由唔熟到現左食飯，放學都一齋，我覺得我有呢一班朋友已經足夠，唸起有一晚同加賢傾計，我話怕我d朋友會考完，就忘記左我，加賢話，只要你努力讀書，就可以拉近你地既距離，可能第日讀同一間大學，我就以呢個信念黎考出年既會考，希望成功，由今日開始至完試其間，我夜晚都唔會online啦，今日就打到呢到為止。

        今日係假期最後既一日，都好懷念返學既日子，今日本來唔想去city溫書，想係屋企休息，點知問東京今日有咩做，佢答唔係去city溫書咩，我呆左，算啦，培下佢去溫啦，我就叫埋恩同杰去溫書，我食完飯就打電話比carman問佢係邊號室，我去到city果陣，只係見到carman同麗珠到左，我同佢地傾傾下計，就訓著左，過左無幾耐，東京黎左，之後就到恩同杰，溫溫下唔知點解又訓左著，之後就叫佢地培我去買零食，買完零食就返去再溫過，不過溫溫下，點知間房，有人扑左，我地就再去搵房，點知麗珠話要早d返屋企，我地就繼續搵，但係都係搵唔到，我地就係出面搵到d位，我地就繼續溫書，點知都係好難溫到書，溫溫下，見到本書入面有張工作紙，死啦，原來唔記得左做，之後就係到狂做，做做下東京話好累，就返左屋企先，我就係到繼續狂做，恩係今日溫哂佢想溫既野，我就.....我做埋果份功課，我就培恩走啦，carman就一個人留係到做埋佢果任數學會考題，今日唔知點解異常咁累，唉~~覺得白白浪費左d時間，希望聽日返學順順利利就好啊^^

            我地9點半起左身，恩就去疏洗，我就去洗頭，之後就睇多陣漫畫，我地就返教會崇拜，我地係樓下買左份三文治食，返到教會就見到東京已經係到，我地就行埋一邊，而超快既速度食完份三文治，就坐低係到崇拜啦，我可能唔夠訓既關係，朱生講道果陣我係到不停釣魚，今日比平時耐左d，可能係d執事交換既關係，本來想返屋企沖涼同執埋d末做既功課同埋帶書去溫，不過都係等到完哂先走，返到屋企已經係1點25分，然後沖涼，換衫，本來可以早d出，點知比果個人阻住哂，遲左出街，叫我等阿爸返黎，因為阿爸無帶key既關係，我要留係屋企等阿爸等到2點25分先走得，臨出門口就打比恩叫佢係城大門口等我，我就急急腳行去地鐵果到，好才坐一個站姐^^。去到門口，見到東京同恩係到等緊我。

            上到去居然見到稀客，見到榮，啟豪，杰，麗珠同西瓜，之後，我同東京去左食飯先，食完飯，stephen打電話黎，問我地係邊，我地行行下，撞到stephen之後，佢帶我地去學生會果到，果到有好多空位，睇完我地又落返去，話比佢地聽，我地移去果個室到溫書，我地溫左好耐，無幾耐，榮，杰，啟豪同西瓜就走左啦，之後得返我地，話咁快又到晚飯時間，我，東京同麗珠就一齊去買飯食，買完返黎，就開始食果到d飯，真係好死到飛起，之後就繼續努力做末狾P溫習，無幾耐9點幾，麗珠都要走啦，之後我地等到9點30分，就返屋企啦。今日打到呢到為止....