今日返到教會，個個問我做咩野，而ASTRA就叫我過去，佢彈左首歌比我，我當時好開心^^，之後就開始祟拜啦，祟拜完左，ASTRA送左張紙仔比我，d內容令到我開心番唔小，之後就企左係到傾計，我隻腳向後移左步，搞到個細佬，跌左係地下，我當時呆左，我就入左去同佢媽咪道歉....出到黎，佢地又係到講笑，之後就去必勝客到食，一路有講有笑，好似一家人咁，好開心，我屋企唔知幾時已經無左呢種快樂既感覺......不過我當正恩同東京係我屋企人，食完野就去city做功課，去到先知唔記左隻海狗........得番岩岩抽果隻/.\，然後就開始做功課啦。做做下，stephen同東京出左去，stephen教東京物理。佢地自己搵左一間房，我、恩同carmen就係到傾計，無啦啦恩扮低B，搞到我唔知點好，玩完之後，就行左陣，我就開始繼續做功課，死啦，做哂功課，咁我呢個假期點算好=.="，之後我同恩、東京、stephen走先，carmen溫多陣先走。之後就培恩一路行旺角，一路食野，之後就坐2E返屋企，今日都過得好開心^^

            今朝同東京去四哥教會問杰拎野，東京拎完就順便補埋物理，我就係到聽mp3，佢地12點幾補完，就一齊去食飯，去左M記到食，食完行左陣，就返上去坐陣就坐啦，返到教會，我同佢就走左入間房到坐....無幾耐導師返到黎，就衝哂入黎，就係到講笑，無幾耐恩都返到，入埋黎加入，之後就開始今日既活動，今日全日都好靜，因為唸緊野，大kent就狂問我做咩，我唸緊野，所以就話無野，之後蔓樺就請左我食糖，而佢個fd就送左個小禮物比我，好多謝佢地^^，之後坐左係到聽恩同麥皮傾計，之後佢地去食飯，今日壯態唔係咁好，所以無去食飯，就培東京，大怪獸+小怪獸走。今日打到呢度為止。

            今日一早就同阿媽去排隊續證，大約10點40分就拎完o壽，之後就搵東京，今日約左佢去食飯，去到睇左陣波，佢地就走啦，我就上左東京屋企，等佢同佢細佬沖完涼就行得啦，今日去左佢樓下間餐廳到食，d野唔算.......本來去city，不過東京話唔好去，我知佢怕我悶，亂唸野......好多謝佢地咁關心我，佢話開放屋企被我做功課.....之後佢就訓教，我就係出面做功課，無幾耐恩打電話黎，問我係邊，我話遲d到，大約5點幾先去city，去到已經見到佢地既書包，所以唔打電話，就坐左係到做功課，做左無幾耐，先打電話比恩，無幾耐就返左黎，然後就繼續開功....之後就走啦.....恩話我今日有d唔開心，可能累啦。今日打到呢度為止。