八號風球-------攪到我原本十二點收工變到8點收工......返到上水同輝哥去o左食o野!食完又返去pcp。

返到去pcp,由8點坐到十二點都係見到得o個一台客,本身個個都唸住一點度走得去打麻雀,點知...kiki o個班又落黎飲!

見佢地飲完我都準備走,點知其中一個又話唔見錶.....都唔知點解我而個外人要幫手搵...真係慘!!!


而家日日要早o的返屋企訓覺........日日訓得3-4個鐘都唔係辦法!

 連續幾日既pcp非人生活,再係咁都唔知點過落去!

啊武生日,主角都飲到大晒,仲要大到見人就屌,最慘佢身邊幾個fd俾佢屌足成晚,不過都算啦,最慘就係......坐佢個fd架忙命私家車!
上水去上水都可以撞爆鏡,我都唔知點算,去到十字路口已經唔敢再坐,選擇行番屋企......啊曦已經成為失蹤人口...對佢太失望...
而家先知朋友係唔再需要尊重...係你教我既...多謝!

尋晚啊龍係pcp最後一日,佢對住台飲醉酒既客,完全唔識應付,冇計啦,成台都係靚女,見到佢個樣真係慘............

倒數一個月.............

好想快o的有個人出現控制到我.......如果唔係我唔知死幾多次先夠!

 日日都過埋o的唔係人既生活。差唔多晚晚都係pcp,又煙又酒,唔知我身體究竟有幾毒呢?

晚晚兩三點先走,沖埋個涼食埋o野成4點幾......訓得一陣又起身返工......得閒又要返下大陸......而o的生活係咪人過架?

激嬲完一個又一個,我唸我以後都係唔講o野好o的.....廢事......

啊武生日.......都唔知佢想點攪.....通知聲..........

一個星期有七日...完日入面4日去o左飲酒...完全進入死亡狀態,攪到尋日連工都冇返,真失敗。

開始覺得要控制一下自己,經濟方面.......我都唔識講.......好唔明o的人點解咁鐘意問人借錢又唔鐘意還錢.....而我是蠢還是.......

攪到我而家頭都大埋............我究竟應該點呢!而一刻非常頭痛!

唔知今日同唔同到vava同啊cat去食飯呢??食埋而餐都唔知幾耐之後先見!加上今 日好多o野做.......希望自己做得晒啦!

 而幾日日日都落雨,成世仔最憎就係落雨,攪到我乜mood都冇晒!

而排重過番以前打麻雀機既生活,lv終於到o左99。打到好似冇癮咁,不過打到全香港第十一位,都有番o的滿足咁。而個月仲勁,計埋日本台灣,係成千萬人入面打到頭一百位......今日番去影相post出黎先!

咁多位朋友...有冇特別o野攪下啊??好悶啊我而期!

離vava走仲有兩個星期度,佢走o左我都唔知點算,又悶死我了!

加埋啊cat,7月中開始進入獨行期,都唔知算!

尋晚俾人串o左句,條氣......到而家都未順!咁得閒坐係度打機,不過搵番條女啦...............

聽完O 晒.............完全駁佢唔到!不過好想打佢!


支持荷蘭贏歐國盃,前半場真係太勁啦!


發覺自己由中五畢業到而家都係踢過幾次波,真係好想可以踢下波!好懷念以前放學可以即刻返屋企換衫踢波既日子!無憂無慮!
如果真係有得返轉頭就好lu......

如果以前讀好o的書...
如果以前對女朋友好o的...
如果以前脾氣唔係咁臭...
如果以前冇識到華b而個人...
如果以前肯聽話去流浪踢下波...
如果...如果...太多如果啦...

唔知到而家仲會唔會咁呢?

就黎又生日啦,人大o左...身邊好多好多朋友都結o左婚或者已經去到談婚論嫁既地步...
都唔知幾時到自己......

近而十年既生日都冇自由過,年年都去同人興祝...今年開始終於都有得同自己過返生日啦......期望仲有人記得我生日!

VAVA,祝你一路順風!返黎既時候記得買o野俾我啊!

啊cat,我最希望就係見到你開開心心,身體健康...成世人最擔心o個個就係你......但係你次次都就係令人擔心
放唔低始終就係放唔低...開心o的啦!!!