好多人話一分耕耘一分收獲,但係而句說話到o左而家而個年代唔知仲成唔成立呢?學一套電視劇咁講,係只計耕耘不問收獲?

而幾日不停因為3個人既問題而去煩惱"一個情"一個忠"一個義"未試過同一日收到同一個人打黎既五十幾個來電,煩到我已經唔知點出聲,再唔知再可以俾o的咩o野意見佢,仲好想同佢講我幫你唔到架啦,不如你唔好搵我啦,但係真係講唔到出口,因為講o左出口我同佢都唔知會發生咩o野事。啊嵐返o左香港,面對佢既一個電話,我又可以講o的咩o野呢?我知你唸o的,過o左咁耐你仲係咁我都覺得自己好衰,雖然你返黎3日,只係打o左兩個電話俾我問我落唔落去飲o野,普普通通o既兩句說話,但係對我黎講真係好大壓力,我完全唔識點去面對你同埋你o的朋友,但係放心啦,我都會去面對架啦!

令我覺得最煩既就係......其實我覺得如果只係得我同佢兩個人我覺得問題係好易解決,只係點解當中要涉及其他人呢?八掛係人既本性,但係男人老狗做埋o的八婆o野,仲要一試就知,唔好行得咁低啦?嚴格上我試都冇試過你地,只係求奇講o左句你個fd講架,名又冇提,乜事都冇講過,不打自招咪而o的囉。唔通朋友間,或者只係一場相識就唔可以簡簡單單?做人有戒心係正常,但係點樣用係唔係應該自己去衡量一上呢?好多o野我付出既我唔係要o的咩o野結果,只係覺得係我能力範圍之內做到既,你又開心或者滿足到你要求我咪覺得值囉!我會去質疑點解你會咁做,我唔想估你太多,因為我希望只係我唸多o左,但係種種o野就好似事實咁係眼前出現?咁多位大佬你想我點啊?不如你地教下細佬點做啦!

想太多

漸漸地疏忽的我
日夜地躋身工作
慢慢地不知不覺
讓寂寞佔據兩旁

用一生撫養我　到最後只得到這麼
是否您真這樣傻　這樣無悔地投注給我

如果這樣悲觀的我　要多久先可以　選擇開花結果
人生只是區區一課　太短促卻為何　這樣委屈的過
您叫我無需想太多　只需我一個

用一生撫養我　到最後只得到這麼
是否您真這樣傻　這樣無悔地投注給我

如果這樣悲觀的我　要多久先可以　選擇開花結果
人生只是區區一課　太短促卻為何　這樣委屈的過
您叫我無需想太多　歸家已不錯

現在是爸媽給我
願望是報答兩旁
若日後不需工作
像舊日跳進被窩　到天光

 而兩日過得太無聊啦,不過發生既大小事都令我有另一種啟發,係我成日話佢地應該點做點做既時候,我唸我都要去改變一下自己對人既態度,我唸我都係時候對人強硬o的,原來對人好同人差都係得同一個結果,咁我使乜對人咁好呢?

講番而幾日做過o的乜,估唔到星期五o個晚我表弟會落黎搵我飲酒,最估唔到我會同我家姐一齊去,完全唸成世我都唔會唸到有而個場面發生!中間一段小插曲,實在令人回味,我估唔到會撩一個大個6年既姐姐,不過同佢玩都好好玩,希望下次你仲會出黎飲o野啦!之後我表弟因為冇車返屋企晚關係上o左我度訓,而我就咁樣俾o左我第一次佢!第一次同男性同床訓o左成晚,啊曦都係幾個鐘ji,唸起都覺得嘔!

而排成日同惠惠傾電話,發覺佢把聲真係好好聽!

 今日放假終於都有o的時間訓覺同打日記。

而兩日真係好忙,忙到平時候返工訓覺玩電腦既我都冇時間對住部電話,只係做...做...做...都唔知幾時先可以捱過而o的生活,岩岩接手又話要stock check,點解個個對期望咁大呢?其實我都只係一個普通人ji,可唔可以唔好俾咁多o野我去理啊?我都好想過o的簡單生活炸。仲有我都只係好想抽到o的時間出黎做下自己o野,點解永遠都唔放我啦?

尋日返工估唔到要ot,我都好似成半年冇ot,放工過o左沙田燒o野食,叫o的人出黎又冇人出wor,真係灰晒,成晚仲要俾個女仔串,第二次見佢ji,唔使咁對我呀?不過同佢都幾好玩既!燒完o野食又俾人撩o左去飲o野,講話戒酒原來係唔得架,點算啊?快o的俾我搵到個管到我既人啦,但係攪到我唸起ally,又係唔開心!飲飲下收到電話,有兩個人準備俾人車上山,唉.....又犯罪...叫o左好多次你地唔好架啦,玩咩!你地衰冇所謂,最慘攪埋我啊!最終返到屋企既時間係四點幾,又係醉到不似人形咁返屋企!

------------------------------------------------------------------------------------------------------------------------------------------

唸住放假可以訓晏o的啦,點知唔知邊個打黎嘈醒我,原來俾人嘈醒真係好燥底。唸住可以訓得番,點知原來係唔得既,不過好就好在早起身可以見到佢online,都好過冇,不過佢把口只係識串人,我又唔敢駁,真係慘!

一朝早出o左上水搵華b,同佢食完o野出o左沙田,點知要趕頭趕命落去大埔搵人,真係行都行到濕晒,不過見到佢都值既!經過8號花園,好想行上去睇睇添,原來真係會掛住之前既生活。(最唔明就係點解張單要我埋呢?)之後打o左陣機,最估唔到就係打機都冇一個鐘,俾人打十幾次過黎吹我返去,真係......攪到我想對多佢一陣都唔得,都唔知係咪前世欠o左佢架!返黎搵佢又係聽佢得個講字,不如你搵過第二個啦!

放棄 

望著你遠去背影
我卻失去了勇氣
怎樣的結局 才是我們想要的
分手嗎 這真的是你要的嗎
給你自由愛 凍結此刻
怎麼樣的我和你能遺忘過去
為何淚水總是不聽控制讓我又想你
我們之間的關係 隔著一層層距離
冰冷冷的玻璃 隔著兩顆心
用我的手觸摸空氣 感受你最后氣息
透過眼角淚滴看你離去
兩顆心曾經靠的那么近
如今卻要學會放棄
怎麼樣的我和你能遺忘過去
為何淚水總是不聽控制讓我又想你
我們之間的關係 隔著一層層距離
冰冷冷的玻璃 隔著兩顆心
用我的手觸摸空氣 感受你最后氣息
透過眼角淚滴看你離去
兩顆心曾經靠的那么近
如今卻要學會放棄
說放棄 就應該放棄
是不是不會再哭泣
說逃避 再逃避 是我自己不願相信
用我的愛 成全你的愛
終于放棄愛你的決定
她才是你的唯一
用我的手觸摸空氣 感受你最后氣息
透過眼角淚滴看你離去
兩顆心曾經靠的那麼近
如今卻要學會...
我該學會試著放棄
在這個夏天的午後
我終於決定
放棄一切
遵循
你和她的愛...

 估唔到一個好好既星期日都係要晨早流流俾人叫醒,最估唔到都係一早俾人"訓話"。多謝咁多位大哥既厚禮,不過我自己都有責任既,算啦,因為而個已經係事實,唯有希望佢地唔會有下一次啦!

兩點半落到去,估唔到係鬥地主鬥足成日,真係頭都大埋!唸住可以輕輕鬆鬆食番餐飯,點知...唉,一言難盡!

返到屋企傾電話傾到兩點,同邊個傾好似唔太方便講出黎,等佢本人同意先啦,放心wor,有o的o野我一定唔會講番出去ga bor,因為你知我既可能仲多,我都驚o左你!收完線搵o左陣肥ming跟住我又要搵周公啦!

而兩個星期日日都處於精神緊張狀態,以我記得而兩個星期用既錢同我收入係成反比,仲要日日飲酒(除o左一日返o左屋企訓覺),因為完全唔飲我都訓唔到覺,希望可以快o的解決到問題!

而家好想快o的搵到個人出黎做我而家o的o野,因為兼顧太多o野我真係頂唔順,好多o野實在太辛苦。面對住而o的o野我都唔知點去分身解決。好話唔好聽我都有我自己想做既事,到我面對困難既時候,又唔知邊個會幫下我呢?而家唔係要求o的乜,只係唔想你地咁依賴我去幫到你地o的乜,而家我最想做既就係將我識既教晒你地,你地再用你地自己既智慧再進一步強化我教你地既o野,知唔知我真係老啦,有時候都應該退落黎。

感情事原來真係而一生人最大一個問題,爭取又令人反感,等又俾人覺得你唔緊張;咁究竟要點做呢?

開始戀愛 E-kids



願你可死心塌地 還待我體貼入微 不准和男仔傾計睇戲挽手臂

在以往都不顧忌 從未會這般小器 偷睇你的手機記錄查閱你

這個這個無聊大使天天都找你 不知怎的開始害怕被處死



何事我會妒忌我會擔心魔鬼搶走你? 何事我每次都不知不覺越來越想你?

腦袋不停為你轉到企不起
我想你笑 我想你跳 我想識法術 想留住你



就算我不懂秘技 還是會懂得親你 花光我餘生心機都要滿足你

遇挫折不需退避 每件難事我擔當得起 充當你的保鑣早晚維護你

常常常常懷疑自己高攀不起你 不知怎的開始害怕被處死




那些配角 太討我厭 我想將佢o地 變作空氣



和你看日落逛海灘 有心不需吃飯 陪你看電視到五更 從未渴睡

和你要日日見 算不算貪? 太緊會不會散? 誰決定緣份期限?



其實我會妒忌我會擔心魔鬼搶走你 其實我每次都不知不覺越來越想你

腦袋不停為你轉到企不起 我想你笑 我想你跳 我想識法術

想留住你 想迎合你 想融入你 想一生霸住你

如果真係可以好似歌詞咁簡單就好lu!

 o個唔到返返下工會收到一個特別既電話,又估唔到啊CAT會打黎同我食飯,仲要係火炭等我,攪到我開心死!不過全程火車都俾佢串,真係慘!之後返到上水同佢過o左目黑食o野,唸番起目黑都想死,同佢傾o左一陣計又係講佢男朋友,我頂!你曬夠你o的幸福未啊,我單身架仲係,你想我點!食完而餐仲唸住夜晚出去打邊爐,點知俾人放飛機,勁唔開心!

最估唔到就係佢竟然話由上水行番屋企,足足行o左九個字,由上水行番欣盛,好在冇乜太陽。途中講番好多我地以前既事,而家講番又係一個笑話,同佢相識都差唔多十年啦,估唔到仲可以一齊咁樣行,唔知十年之後仲有冇機會呢?記得仲爭一次同我打邊爐啊!

補充:之前既啊婷=ting=啊cat (唔係我想打3個名架,不過其實3個都係同一個人黎架)

夜晚既事做得好錯...不過過o左去,或者自己做o左,錯就認!