連續兩日都冇打過日記,因為而兩日做o的o野都唔知點打出黎,因為有o的賨在太過唔見得光啦!

不過最估唔到唔見兩日,佢地又俾隻獲我揹,唉...乖o的啦你地幾個.....

原來見住自己鈕意o個個人同第二個一齊,心情真係會唔係太好........

而排ＳＴＩＮＧ忙緊出ｓｈｏｗ,我都好想有時間可以睇下佢出show,次次出show我都睇唔到既,次次都要睇video,唉....俾心機啊

 今日耀明返o左粉嶺,自從佢搬o左出去住之後,我都好耐冇見過佢啦,對上一次我唸係我生日同佢出去食o左餐飯。耀明返黎都係得一樣o野做ji,就係落去飲酒,同啊曦,耀明落到pcp冇位,最後都係去o左bto,見到我個所謂家姐,佢過年封利士仲未俾我啊,不過而一年都好多謝佢係咁多個場睇住,唔使我擋住咁走。

唔知幾時自己個電話變o左關心一線,好多人打黎同我訴苦,不過估唔到主角又係啊欣。我冇話過叫你唔好打黎,只係今次真係你敏感,仲有男仔唔一定幫男仔架,因為我鐘意幫女仔多o的。既然你地兩個結得婚,我唸你地兩個之間一定有一定既信任,點解唔去嘗試下信任你既另一半呢?我唸結婚係建基於信任,而唔係信任建基於婚姻。我唸你要明白o左次序先去唸自己要點做,你話你老公鬧你,係佢唔岩,但係之前發生過o的咩o野事呢?好多o野係自己一手做成,咁樣做就會有咁結果,我唸你而家要學識去信下你老公啦!

而排唸番起以前既我,好懷念o個一種"強"既感覺,個強字我都唔係好識點解,或者係我唸唔到用咩o野形容詞去形容o個時既我。o個時細個,乜都唔使唸,唔會有咩o野人會俾到壓力我,做乜o野都可以控制係自己手上面;到o左而家覺得好辛苦,好多o野要去學識揹係身上面,我都好想將我弱o個面講出黎,我都好想有人幫我分擔下,但係我又唔知可以同邊個講。VAVA,CAT啊曦,仲有......我都唔知可以數到邊個出黎,每一次想講既時候又唔識點開口,屋企人更加唔使講,我到今日應該破o左自己紀錄,我差唔多一個星期冇同屋企任何人講過一句o野,個個都話我不考,不過識我既人都知我同屋企o的關係唔多好,由幾歲開始已經係咁,到o左而家我都唔知可以點做......

突然好掛住一個係澳洲既人---嵐(好想打俾你,但係我又知打俾你我又唔可以講o的咩o野,俾心機讀書啦)

 過o左咁多日終於都好番小小啦,返工依然都係咁悶,乜o野都唔使做,真係覺得返工好無聊,都唔知有o野做好定冇o野做好!

啊盈打黎叫我星期日同埋佢啊曦過澳門,有時都唔係幾明點解咁鐘意澳門,其實好似真係冇乜o野好玩,不過如果第二個陪我唸都好o的掛!收工過o左粉嶺傾計,講o左一樣我一直都唔係咁想聽既o野,好多人都唔多妥我。雖然而樣o野一早知,不過我都唔知點可以改變,或者我一直覺得唔係我自己錯啦!每個人都有自己一套唸法,我過到人過到自己,點解要為o左迎合佢地而去改變自己呢?試問佢地成班所謂兄弟,私低下又唔係講三講四,乜做人真係要咁複雜?

夜晚同pinky仲有啊琪食pizza hut,一直都唔鐘意返去食o野,都唔知有咩o野好食!請你食冇所謂啊,食o的我都食既o野啦!啊琪同半年前既佢一o的都冇變,都係咁既死款,唔該你唔好再take o野啦,我唔憎o個樣你都唔做,大個啦你!pinky頭髮長o左好似成熟o左,兩位都好耐冇見啦,原來咁就半年,時間過得真係快!

咁多位考你地一個白痴問題(我係一個好白痴既人把口聽番黎):

有個離島, 裡面有 4 個監犯叫風, 山, 水同起....佢地搵到隻船, 但係坐唔到4個人,咁起碼都要拉返個返去....咁應該拉邊個呢?

跟住係柴,米,油,鹽邊一樣o野唔係八十年代既產品?(都係講埋點解)

小心:極度白痴!我自己聽完呆o左幾秒!

(嗚謝呀CAT更正問題)(點知一個都冇人答)

 估唔到病o左成個星期都未好,日日喉嚨好似俾火燒咁,咁大個人未試過一日兩支煙都食唔到,都唔知好事定壞事!

返到公司全日訓覺,睇太極,傾電話......完全冇o野做。

返到屋企更加冇o野做......究竟幾時你地先生性啊??

今日收到一個消息,肥東行開半年,又半年見佢唔到,唉........
要佢幫我做o的o野又要等多半年!

首先恭喜啊曦同啊盈終於計劃結婚啦,雖然日子仲未落實,不過終於聽到佢地兩個講起而件事啦,睇見佢地兩個行o左咁多年,我見到佢地兩個開心,不過自己又有o的慚愧,因為自己都未試過拍咁耐拖。佢地兩結婚,又攪到我好似冇o左fd 咁,唉..........

訓o左成日,十點幾起身見悶打o左俾啊曦唔知佢係唔係開心過頭,第一次聽見佢咁主動叫我上佢屋企飲o野。佢全屋既酒都俾我地兩個開黎飲,本身唔多飲酒既佢,唔知係唔係真係開心過頭呢?連我而個過來人都感受到佢o個份幸福,估唔到之前就兩個女仔係我身邊曬幸福,今次仲要加多個男,遇來遇覺得自己寂寞,唉..........

不過酒後通常都會出事,我同啊曦......出得o的咩事呢!今次大獲小小,咩o野事就唔係咁方便透露,不過希無事啦!

久違既b爺再次踏入舊地,本身幫啊曦處理事件,但係唔知點解遇攪就遇多事,估唔到我同啊b爺既白痴低能第六感咁準。原本唔想提既舊事肥仔偉一次過提番晒出黎,身為當事人既我有o的無奈,因為又再一次俾人......有陣時我都唔知點同而家而一代溝通,我唔想用以前我俾人教或者灌輸o個套用黎對番佢地,我好想可以用o的溫和o的方法去改變佢地既唸法,做好人永遠唔會有人認同你,做衰人一次佢地就恨你成世,而我又應該點去取捨呢?肥仔偉同啊b當佢地面問佢地,點解到o左今時今日啊鈞仲要出面幫你地講說話,我都唔知可以講乜,唔通我睇住佢地死咩?我唔係要我留芳萬世,但我只係唔想我自己遺臭萬年。vava你都就黎做miss 啦,究竟有咩o野方法可以令佢地聽教聽話呢?

悶o既o野講完啦,咁多位而排有咩o野活動啊?我就黎變廢人啦!