2008 年 4 月 18 日 星期五  |
| 2008-04-18 |
分類: 未分類 |
係九樓做o野都成個星期,始終都未習慣忙既生活,不過下面o的同事都好好,都好肯教我,不過始終唔慣即係唔慣,唔好意思,俾o的時間我去習慣下先!
放工係火車站見到啊盈,唸住同佢一齊搭車返去,點知佢銀包漏o左係公司,要等佢返去拎。同佢返到粉嶺,都唔爭o個幾步送埋佢返屋企,點知見埋o的唔多想見既o野,成個人即時灰晒。坐多陣啊曦返埋黎,唸住叫佢出去食飯啦,點知佢又話今日要交人...我頂....等o左咁耐得個吉。到最後都係返o左屋企,訓訓下覺俾人嘈醒o左,又起身出去,出到去又係同佢講人生道理!
我以我個人角度唔識去睇佢地15-16歲既人既思想,覺得佢地成日唸埋一邊,成日都唸衰o個邊先既?有事點解唔係去唸解決方法,而係去唸點樣離開呢?同你地講既o野我唔知你地可以吸收幾多或者你地明幾多,有o的o野點都要親身去經歷先知自己應該點做,我講就只可以講咁多,我冇可能每次都拖住你,教你點行點行,用你地既方法去面對問題啦!
唸住走既時候,一個好耐都未打過黎既人打俾我"STING"。而家佢真係好鐘意跳舞,不過就係覺得佢太辛苦,次次打俾佢都唔得閒,打到我都唔想打俾佢,估唔到今日佢會打黎,雖然中間都係講o的無聊o野,但係都好懷念同佢傾電話。仲有一樣o野,原來我一直都認o左佢家姐,今日講起先知樣衰,真係樣衰到爆!STING仲有幾個月就係IVE畢業啦,希望佢升到上大學啦,祝你前程似錦!
跟住發生既事就係......我訓覺啦!
|
| 2008 年 4 月 17 日 星期四 |
| 久違的聚餐 |
分類: 未分類 |
尋日同大隻佬,頭盔仲有公雞去食飯,本身仲以為得我同大隻佬,多o左兩個人我都覺得有o的出奇,不過都算啦,都係食飯ji!原來話時話,之前同大隻佬就一個星期食幾次飯,點知而餐飯隔o左成差唔多半年有多先有得食,而家個個都返工,連讀緊書既都走去返工,有時真係好唔明,有書唔讀做乜咁細就要出黎返工。
食完飯落o左嘉福村同佢地飲酒,我都幾享受幾個人靜靜地坐係度傾下計。講講下,啊曦又無啦啦講話要跑區場十個圈,今次真係大獲。而家行快兩步都索氣,跑十個圈我會唔會斷氣呢?又係時候要操下自己,再係咁落去都唔知點算!
係我個fd STING個xanga見到張相,真係好好笑!
似唔似熱鬥小馬隻馬仔啊??馬仔馬仔,你要做隻出色的馬仔! |
| 2008 年 4 月 16 日 星期三 |
| 2008-04-16 |
分類: 未分類 |
日記開始唔知可以打乜,因為日日都係返工,放工,返屋企訓覺(我都想)。放o左工好想返屋企訓下覺,點知永遠都一定有o的無聊既事一定會發生,唉......係而排晚晚都同vava傾電話囉,仲要冇兩三點都唔收線,真係一齊緊o個時都冇咁多o野講,反而而家好似仲好感情,因為真係乜都可以拎出黎講!
今日返返下工同啊p係msn傾o左幾句,估唔到佢都會因為朋友而唔開心!差唔多到佢生日,不過今年真係同唔到佢過生日,因為咁岩要去飲,I am so sorry!之前都有同佢過生日既,不過未試同一個女仔落去可以三個人飲一set都可以飲到嘔,但係又唔明佢點解成日打黎叫我地成班人同佢飲,唔通飲酒真係對身體好o的?佢話佢而家終於正正式式咁出黎做o野,同以前玩開既朋友好似疏遠o左好多,就算連我都極小會搵。我唸而樣o野都正常既,我o個時都係咁,永遠一定有o的人會唔搵,唔係唔想搵,係根本唔會有時間,個個都唔會想冇o左而班朋友,但係點樣維持又真係一個學問。記得我同啊曦中間都隔o左成3-4年冇搵過對方,因為大家都有大家要忙既事,其實大家都冇轉過電話,有時可能真係踏出一步,打過電話傾幾句,都可以好好咁維持,到o左而家大家都係交心既朋友。計計下我大部分朋友都係識o左6年以上,有o的仲成八九年,其實究竟點去維持呢?我自己其實都真係冇乜方法,只係覺得感情厚o左,關係就自然會好......(希望真係咁啦)
有一個女朋友問過我朋友同我你會揀過個,係咪正常都會口快快咁答o左揀你先呢?但係問心,自己又會揀邊個呢?有時真係好難去唸,不過有一樣o野就係如果係我女朋友問我而個問題,而個女仔一定好唔明白我,因為個個都會知我係朋友兄弟放係第一位,跟住到屋企(除o左某人啦)。希望大家會珍惜而家身邊既朋友啦! |
| 2008 年 4 月 14 日 星期一 |
| 九樓的第一天 |
分類: 未分類 |
今日終於覺得自己似返工啦,終於都叫有o野做,不過o的o野我完住唔識,成個傻仔咁睇住人地做!不過總好過係14樓乜都唔使做就咁坐係度。雖然再無得係公司睇戲(因為冇時間)不過都好過係上面對住o的人既,希望我係九樓既生活開心o的啦。不過都唔知開心到幾耐,因為唔知啊邦o個邊係唔係真係請人,如果係既,我唸真係要轉下新環境,不過一切都係未知之數,期待中.......
放工係火車見到kelly,(vava唔係見到佢收你線架,因為真係好多人)估唔到佢會開口問我係唔係同14樓o的人唔岩,估唔到我一直唔ot,一直都俾人覺得我係特登唔ot,原來我係一個懶人!OH,點解要咁睇我呢???不過有o的o野又講唔到出口既,佢地點唸就算啦,點講都好...離開o左14樓,我都覺得輕鬆o左!!
尋晚見到達哥,發覺自己都成個幾月都冇見過,可能真係時間唔岩啦!決定搵個星期六得閒再同佢去釣魚,因為我釣o左一次都釣上癮,上次仲拎埋o的魚番o的魚番黎,自己釣o的魚原來真係好食o的架! |
| 2008 年 4 月 12 日 星期六 |
| 調職九樓 |
分類: 未分類 |
今日返到公司真係好火滾,容下以下內容有粗口成份:
本身同我同倉個同事本身已經唔係好岩,但係自問我已經改o左自己o的脾氣好多,成年以黎都冇同佢嘈過,但係加埋都講唔夠十句o野,我地啊頭梗係會問我地咩o野事啦,不過都唔會解決到,可能因為佢條女都係係度做啦,我最唔妥做錯o的咩o野最後個波都係會射落我度,所以點解話我返學點解咁得閒呢?因為我做我既o野,佢做佢既o野,個個都話我見死不救,見住佢咁多o野做都唔幫手,我冇出過歌架永遠,佢地鐘意點講就點講啦,只不過係佢還佢,我還我。點知今日佢條女知我星期一落九樓返工,我都唔使對住你啦,做乜仲要對住我要拎埋個尾彩先啊?前世得罪你咩?(公司入面既事,講出黎都唔會明,只係其實我同佢都冇錯,錯只係送貨黎o個個)件件傾都係咁番,唔通全部拆開幫你數完先收貨咩?我同你條仔既問題唔好射落我度啦!我完住唔知搵邊個吐苦水,不過有得調落九樓唔使對住你地兩個仆街,我都俾我自己算啦......希望大家以後唔會再有接觸啦,不過你地放心wor,白金我一定封俾你地兩個!
|
|
| |
