火影忍者疾風傳劇場版嗚人之死

Download o左幾個月都終於記得睇啦,不過比起我期待既好似有好大出入wor,期望下一部會更加好啦!因為只係睇圖都覺得好正。

疾風伝08年的劇場版命名為「劇場版ナルト疾風伝`絆`」

http://www.tv-tokyo.co.jp/anime/naruto/movie08/movie08_1.asx

期待中...不過應該要等到下年先有字幕版係香港出現。

今日冇乜事發生過,唸落今日真係平靜得很......可能因為尋晚冇乜點訓過,今日全日都好眼訓......不過係公司就係咁係msn撩人傾計,不過個個都唔so我囉...慘!仲有download下o的歌,因為係屋企絕對寧願訓覺都唔會去浪費而o的時間!今日sownload o左一首應晒景既歌!

傻小子 - 周柏豪

遇過太多人 很吸引 偏偏不相襯
沒惻隱心 摧毀以往的愛恨
常令我 被稱作壞人
負過太多人 今天我
變了受害人
用虔誠來待你 任旁人來揭秘
形象太錯太壞 怎可愛得起

傻小子 妄想找到優美開始
要你看穿這心意 卻跌一跤很諷刺
來又去 仍是不可篡改天意
只可領受報應 被你進攻流血不止

傻小子 最終剩低只有羞恥
看見你走不得已 要挽你手卻太遲
緩慢腳步 掩飾不到我心事
當一切沒有意義 埋藏著我所有往事
再次面試

像我這種人 終於也
變了受害人
用虔誠來待你 任旁人來揭秘
形象太錯太壞 怎可愛得起
傻小子 妄想找到優美開始
要你看穿這心意 卻跌一跤很諷刺
來又去 仍是不可篡改天意
只可領受報應 被你進攻流血不止

傻小子 最終剩低只有羞恥
看見你走不得已 要挽你手卻太遲
沉殿過後 悲傷始終化不掉
即使靠面試治療 難忘是你當天心跳 我已累了

 估唔到原來唔飲酒真係會訓唔著,連續睇o左兩套戲睇到而家,"奪帥"同埋"花花刑警"。其實一直係度唸點解港產片會無人睇,一開始覺得冇乜大作之餘,無聊都係一個原因,岩岩睇完真係覺得其中一套好無聊,但係無聊之後又覺得好有深度,同埋當中可以學到好多o野。

一直以黎對而類題材既戲都好鐘意睇,因為係中間可以學到好多o野,時代變o左,真係要睇戲去學。唔講黑社會,講番中間好鐘意洪金寶同恬妞兩公婆既一番對話,對於我黎講成套戲睇而段對白都抵(我講對我炸)。兩個人一齊咁耐,捱既捱過,經歷既經歷過,或者好多人想去有咁既機會都唔會有,但係點解到最後會攪到反面收場呢?點解係而個時間仲要去分對與錯呢?「十年修得同船渡,百年修得共枕眠」,唔理兄弟,朋友,情人,兄弟姊妹......我覺得今時今日相識已經係一場緣份,我都希望大家或者自己都會去好好珍惜,而我唸我都係時候去面對屋企既問題,不過...我都唔知可以點做,可能維持現狀仲好。

一開始我完全只係因為訓唔著先唸住搵出黎睇,我唸因為可以悶到我訓著,點知原來所謂無聊既戲反而會令我獲益良多。
我只係覺感情方面既o野炸。兩男加一女本身係唔係應該係一個男字呢?我好認同當中一句說話,要用盡一切方法去令對方遠離追求者,用盡所有方法唔俾佢地接觸,中傷、做好多小動作,其實係咪真係對自己冇信心呢?所以我覺谚有競爭先有進步而句o野係岩架!

雖然只係拍戲,但係今時今日唔知又有邊個可以為朋友或者愛人去付出自己所擁有呢?不過我都有我既疑問,就係到o左咁既地步,人係會去爭取,定係去放棄呢?我自己到而家都仲會去唸而個問題,而答案我真係唸唔到......

只係覺得人生條路咁長,原來學既o野真係咁多,睇套戲都會發覺自己有咁多不足,唔通真係要學到八十歲?

仲未知道點解自己會得人驚......我已經好似個傻仔咁成人俾人玩架啦,仲會有人會驚我架?

連續幾日既假期終於都要完,而好多煩既事都差唔多完結,不過係而三日入面好多發生既事令我更加了解自己。第一晚同o左一個社工傾計食飯,雖然唔係同佢識o左好耐,或者基本上算係唔識,o個日都只係普通咁食餐飯,不過我可以對住佢講晒自己面對既壓力出黎,真係好舒服,因為我對住每一個我識既人都要隱瞞一o的唔俾佢地知得既事。一黎關佢地事,二黎講出黎對佢地黎講可能只會有反效果。

第二晚聽到一個電話,估唔到聽完之後我會係覺得驚,聽見電話對面既人係度喊緊我好心痛,我會講得出寧願受苦o個個係我自己,我都唔想見到佢而家咁樣?我好小聽到或者見到佢喊,因為佢係我心目中係一個好強既女仔,當然佢自己一個唔開心既時候我係唔會知,不過而家或者以前好多o野都要佢自己一個面對,到o左今時今日我真係好佩服佢,因為當我面對佢既問題既時候,我可以好肯定講一句,我放棄o左好耐!今時今日對住你好多o野我都好想做,只不過我唸好多o野你都想第二個人對你做lu......我只可以做既o野都冇乜,支持同鼓勵我會,但係可能對你黎講已經唔重要掛!
信我啦,到今時今日點解仲要去唸放棄呢?而兩個字我覺得唔係今日既你會講出口,好多難關你都過o左啦,唔通真係行完咁長既路你先去行返轉頭?

尋晚估唔到我會俾一個所謂既兄弟出賣,雖然自問我唔係好人,但係對住你地我無愧於心,但係你做既o野對我黎講真係好失望,我會問我自己應唔應該當冇事發生過,可惜我覺得冇可能。你人地心目中覺得可能今次只係好小事,最可惜就係連咁小事既事你都要去咁對我既時候,難保你將來會推我去死,真係對你好失望啊啊b!

尋晚返到屋企打俾sting,發覺同佢真係好耐冇見過同好耐冇傾過電話,一傾就傾o左4個鐘,首先恭喜佢,ploy收o左佢,咁入唔入到就睇你自己啦!跟住係度睇佢跳舞既video同相,睇完覺得同初初我識佢既時候真係變o左好多好多,一黎靚o左好多啦,二黎活潑o左好多,好事黎既。估唔到我會睇相揀女仔,好似成個婚姻介紹所咁,不過原來佢都幾清楚我既條仔,佢又真係會估到我會揀o的咩o野人,雖然只係得個睇字,不過發覺原來你都幾了解我wor。不過你既愛情觀真係要改改,要學識保護下自己。

而家唸番起,"過去的原來都是美好"。咁人應該向前抑或往後看呢?好想尋找o的安定既生活,始終我年紀大啦,受唔起刺激。

 本身今日唸住出席啊嵐既婚禮,點知因為我咳到死既關係,迫住唔去,唔好意思啊嵐哥我都好想去ga!

亦都估唔到(我岩岩先睇到,下個月廿七號又係同一個地方去第二個人喜酒!

尋日病o左,今日返工,一返工即刻俾人照肺,原來而家先知係而度返工係唔病得,病都要返黎坐,乜原來咁ga?就咁俾人話o左成個鐘。真係無奈!老闆永遠是對的......而個道斑係冇錯架!

岩岩係漫畫睇到一句說話"你所謂的敵人是什麼?"

"敵人不是自己出現的,而是自己去樹立的!"

這句說話真的對嗎?

又飲醉酒,又同屋企嘈交,又攪到關係好差,唔通又要好似上次咁去人地度住番排?俾人話成日飲酒,仲要醉住咁番黎,但係其實我都唔想,壓力真係好大,我真係唔識去面對。心情咁差,今日連工都冇返,因為返到去都只會同人嘈,我寧願避避,有時好唔明既就係錯既事就一定係我?但係我做得好又唔見俾人讚兩句既???今日好想見到一個人,可惜......我覺得我盡o左力啦,但係點解關係仲差過之前?唔通真係好似我咁唸?

尋晚面對住兩個社工,飲完酒同佢地講o野,係咪真係講錯好多o野呢?不過以我記得冇講錯o野架!只係佢地都冇可能說服到我。

全日係度唸...究竟自己要行既路係咩呢?