唔好意思,因為而幾日都好夜返,而幾日都要補打日記!

尋日訓到十二點幾俾人嘈醒o左,不來俾幾個電話人真係好煩架,最煩就係好打唔打,打俾個最唔煩得既人,又係出手時間,不過打俾小銘佢竟然話o個三個女仔真係有俾到佢,我唸我同其中兩個女仔相識最少都六年以上,唔係會為你而呃我呀?後未都係死狗認o左,不過算啦,咁又可以當識少個啦!

4點幾小銘打黎話同佢食o野,算啦,食啦!食完陪佢過o左粉嶺剪頭髮。原來等人真係一年好辛苦既事,我平時剪頭髮都4-5個鐘啦,點知我去到坐4-5分鐘都冇,真係太悶啦!之後去o左搵啊曦,極度無聊去到9點幾,問啊盈打唔打麻雀,唸黎唸去我成半年有多係冇掂過麻雀而樣o野,真係驚唔識打(因為而排極力鑽研日本麻雀)都好在,仲識!今日四方城上面有啊欣/同埋佢老公一家,傻婆(真係白到夜晚落街好似見鬼),啊盈(我地曦哥最愛既女朋友),仲有我(一個死白痴仔),打o左4個鐘,打o左九圈,我勁慘地輸o左4蚊!打完我都覺得我做乜要上黎,因為我來回聯和墟都已經唔只4蚊!唉.....

返到屋企又係打俾o的夜一夜唔訓既人傾電話,傾到四點,第一次俾人叫訓覺,有o的溫暖添。因為太耐冇人照顧過啦!

 本身應該有人打黎叫我起身架,點知o的人唔打黎囉,不過因為約o左佢既關係,兩點半彈o左起身,好驚俾人話我講大話,攪掂即刻出門口,打俾佢佢係出面未攪掂,我就去o左食o野,食食下佢都完o左啦,咪等佢返黎囉!次次見到佢佢都好好笑,佢又回復番十幾歲o個時o個個樣,真係青春。同佢係上水行o左個圈,一生人未試過8點去食糖水,我都覺得無耐,不過因為真係唔知可以去邊!本身話去食壽司,佢話好耐都未食過wor,不過點知兩個都唔肚,唯有寄望下次啦!或者希望仲有下次啦!

跟住就落o左pcp啦,第一次正式同啊婷飲酒,感覺好好笑,兩條友都唔知坐係度做乜,成間鋪都冇人(因為係佢面前唔可以講大話),同佢玩大話骰係唔可以講大話既情況下玩,真係好高難度,下次咁多位得閒試下!不過今日仲勁過九星連珠,因為啊婷既關係,我地請到久未浦頭既EVA姐出黎,佢話佢自己肥o左好多,我唔覺架,不過係我地兩個都冇變o左囉,今晚仲有游游同小銘,今晚做o左件好錯既事,小銘你條友,呃我拎電話,不過算啦,拎完幾個電話,單你又唔會開到,想識女仔,而幾個你都冇可能識到!俾人呃o左,心情唔係太好!送咁多位姐姐返屋企,最後一個係啊婷,見到o的我唸我真係唔應該見既o野,心都痛埋,有冇得揀,不過交換啦(內疚遇黎遇大)!尋晚send個 sms俾你,你一係扮冇收過,一係又話你飲醉ji,我唸有好多o野你知既,不過我都後悔緊!沖埋個涼打番俾EVA,佢又係一個唔使訓既人黎ga,又俾人捉住傾電話,尋晚同你傾既內容值得考慮,傾到四點我真係頂唔順啦!係張床訓死!(途中同小銘個fd 玩sms ,我完全唔識佢架,不過而家知佢叫啊pet囉)!

唔知o的咁既日子仲有冇機會有第二日呢?

(發o左個唔多好既夢,最好而個夢唔好成真)

 今日公司幫我啊頭攪生日會,都唔知幾十歲人仲攪黎做乜,無耐地落O左去九樓,仲要叫埋o的我最唔鐘意食既o野---pizza hut。做o左咁多年,終於都知咩o野叫做o個行厭o個行,真係聞到都想嘔,俾完錢出黎仲要食完杯面,真係慘。全日係公司冇o野做,我悶到睇<大長今>,我唸今次會有排睇掛!收工o個時就意味住放4日假,25號先返工!

收工約o左啊曦食飯,順使傾下o野,我同佢都好似好耐冇見啦,不過唔見好過見,一見又有事發生架啦!食完飯小銘同啊智落o左嘉福,都唔知佢地兩個落黎做乜。返到上水同個fd個女朋友飲o左陣o野,估唔到仲有仔可以因為女朋友想飲o野,俾錢我叫我陪佢飲(因為佢自己要返工)我係女都冧死啊!飲完頭場送o左佢走,就同小銘再去飲,而一set酒真係貴,玩鬥地主係咁輸俾輝哥,估唔到係pcp飲酒真係好貴,下次都係唔好攪我!

飲到兩點幾,返屋企途中好鐘意打俾一個人,次次佢都會估到我飲酒,跟住次次佢都會話我飲醉酒,唔好意思,飲醉應該唔會打到你!同佢傾傾到5點半,跟住第二朝兩點俾人打黎嘈醒,不過照樣唔起身!

今日係公司睇完<愛鬥大>,認真講,真係好無聊,完全唔知佢講乜,不過o的女又真係ok wor。不過最後有一句說話講女仔而家拍拖一係為真愛一係為錢,究竟係唔係真係同香港女仔o的心理一樣呢?女仔係而家而個年代真係叻o左好多,讀書又好,搵錢能力都好,行出黎個個女仔都搵得多個男仔,咁其實而個世界仲有冇真愛呢?女仔要俾人照顧係正常,所以搵一個有能力照顧到自己既人都好正常,但係係咪個個人都得呢?所以做男仔都幾辛苦架,男仕門加油啊,我地係唔可以俾人睇死架!

放工落o左一個好落冇落去既地方,都幾懷念,不過始終而個地方都唔係屬於我,但係都有好多值得懷念既地方,好多第一次都係係度發生。終於都同到三個兄弟食餐飯,雖然最後都係我俾錢,不過希望他朝佢地好好地過日子啦,路我就冇得揀啦,佢地仲有排行,回想起我同你地咁o大個時,我仲係覺得你地而家唸o野好細個,路係自己行架,唔係人地開埋俾你架,以後想點,自己生生性性啦,我都唔係睇得你地好耐,希望今晚同你講既計劃真係去做啦你地。辛苦係辛苦o的,但係搵得幾錢係你地,睇自己啦,發o左達唔好唔記得我就好啦!

今日都見o左好多人,仲識多o左一個"陳洪軍"公司新同事,三十幾四十歲,而個名成間公事都知,想死囉!真係頂唔順!你快o的唔好做啦,唔係我笑都俾人笑死!仲有一個啊"鈞",我都想知幾時先可以識到佢,幾時都話最衰都係肥東!

咁多位,有咩o野戲好睇啊,我係公司睇到冇o野睇啦!

原來想等一個人打黎都幾難等ga,每日都好想佢會得閒打下黎,原來等真係一件好辛苦既事,唔怪得有望夫石啦,我唸可能真係真架!