今日好唔好采,我一落火車見到我地全公司都好驚佢既人---我地香港區既老細,佢兩隻眼發出既殺人眼神,我未訓醒都俾佢嚇醒。返到公司如常做o野,跟住係eva個xanga度見番佢o的學生相,真係想唔認老都唔得,原來我會考完都5年啦,時間真係過得快。我其實都係send o左個sms俾eva話想唔認老都唔得,佢係可以話因為而個sms嬲到醒o左,同佢傾o左陣,我都唔知邊個黑啦,我係一次過收到四張單要執貨囉,我唔係想收你線,係我真係唔收線唔得囉,我都做到成兩點先有得停炸,我本身十點食早餐都要兩點先食囉。

今日又收到紅色炸彈,仲記得過年前o個兩個月我已經收o左九封,仲要有一個fd冇收到,身邊個個人都成雙成對,我就形單影隻,唉......我都想搵人要我啊.....啊華仲勁,個個月都唔同既,教下細佬啦!不過有個女仔我仲等緊架...

仲係wor,vava你份手信當生日禮物啦,揀份好o的啊!希望你快o的成為老師啦,等我可以叫你聲miss vava!

收工出o左去剪頭髮,地點都係o個度啦,個個fd都問我點解次次都要去到咁遠。冇啊,我份人長情,跟得個師父耐o左,唔想轉。或者有冇人想轉下形象啊?我個師父一定係一個好好既選擇。六點九上到去,十一點三先走得,閒日上去真係辛苦,一個字"坐"。

DOBY(即係我師父)話一個人既時候真係好想身邊有人陪下你。無錯,朋友絕對會出黎陪你,但係你想要既究竟係朋友定係你另一半呢?有好多o野始終對住幾好既朋友都好,始終都係會講唔出口。跟住我地兩個都只係"唉"o左一聲,我都希望佢快o的搵番個。而我自己更想。

 今次韓國之旅好明顯係唔關我事架.啊曦同啊盈終於都係韓國返黎啦,但係最唔開心係我想要既手信係一件都冇,真係失望。佢地玩成點我就唔知啦,不過啊曦就介紹個好去處俾我,叫我一定要去玩wor,就係佢玩o左兩次既過山車。我都想去啊,你地兩個去o個時都冇通知過我,搵埋我一齊去唔得既?下次我去既時候都唔知有邊個會陪我去,啊婷,再唔係你同我去啦,最多我請埋你去啦(認真架,唸唸佢啦)不過係去韓國之前我都仲係好想過澳門跳笨豬跳,本身就新年就過o左去玩啦,但係因為公司假期提前o左,攪到我成個計劃冇o左,真係灰,仲攪到我過年冇得出去逗利士,真係慘。       

附上韓國過山車短片:http://uk.reuters.com/news/video/videoStory?videoId=78110

仲有，今日收到個電話，話大忙人華哥終於星期三得閒啦，而餐開年飯終於都有得食啦。四個人終於都可以坐埋一齊聽下你地講ｏ野，帶定錢出黎請我食飯啊幾隻o野,期待星期一三晚。

p.s.我仲搵緊人陪我6月過澳門跳架。(盡可能係6月啦,因為茶茶6月4號生日,當興祝佢生日啦)

近日好鐘意聽而隻歌:

張敬軒- 她的故事

作曲 : Victor Lau/蔡志浩
填詞 : 游思行

他心力透支 仍然想去試多次
他努力過 天也像說都可以
天可做靠倚 然而天也有風雨
他確定了 一世願愛這女子

人人說著多蠢 這種故事
長途遠路 怎麼會知

愛在盡頭仍是愛 因他可以去相信
寧願信 寧願信 如像有些感覺是最準
愛在未來才是愛 這是未來無字的一封信
沉默裡 期待裡 誰在叫他不要急進

他盯著鏡子 為何好似個瘋子
他冷靜過 心也在說很不智
天可在構思 尋求一個好開始
他繼續去 守愛著這好女子

無人勉勵高歌 這種故事
窮人快樂 卻未停止

雨後為何還是雨 他總可以去寬恕
晴或雨 晴或雨 無論看多久也未會輸
愛沒盡頭才是愛 故事動人源在他的慷慨
唯望女孩亦會明白到他的愛

聽著很想知結果 他的經歷提示我
他的不惜一切是最美的火

愛在盡頭仍是愛 因他可以去相信
寧願信 寧願信 無懼怕便沒有愚蠢
愛在未來才是愛 這是未來甜蜜的一封信
沉默裡 期待裡 無用揭開 只要相信

                                         　　　　　　　  　談判專家

今日岩岩睇完而套日劇,值得大家一睇。

講番尋日本人好榮幸咁同到啊婷食o左餐下午茶,次次見親佢佢都係度"曬"命,知你同啊城幸福啦,不過你有冇理下我感受架?事先聲名我仲未放棄,你叫啊城睇實o的你啊!不過睇見你咁開心,我都安落o的,起碼唔使提心吊膽驚你有o的咩o野事,聽話啦,記得睇醫生啊!尋日同啊婷去o左pizza hut食o野,事隔3年,當年我識既人都差唔多全部冇做啦,不過勁峰就升o左做經理,我仲問佢請唔請人,唔知我可唔可以重返pizza hut呢?我都想返去玩下。仲有一個問題,我同我家姐唔係唔溝通,只係唔知可以講o的咩o野ji,得閒你自己打俾佢同佢傾下計啦婷姐。

同啊婷食完o野,係咁叫佢同我去飲o野都係叫唔到佢去。而我就同啊邦同力才八八去o左飲o野,飲o野由星期一開始講講到星期六終於都去得成啦,不過最衰就係達達放飛機,係門口都唔入黎,好o野啊你!飲到十一點,力才兄俾老婆電話攻勢叫o左返屋企,過多陣我同啊邦都走啦,走之後同o左個fd過o左後街一陣。坐低未多三個字又收到電話過o左聯和墟,又飲...飲到兩點幾,但係我唸由一點開始我已經完全斷片,今朝起身個頭痛到.....死.......最慘一早仲要幫人手做o野,早知就唔做好人啦。

岩岩幫家姐執o野,搵番o的係pizza hut做o野o個時o的相。記得而份係我第一份出黎做既o野,o個時放學就去返工,收工都成十一點幾,加上日日都食埋o野先返屋企,返得屋企沖埋涼都成十二點幾,所以我日日返學時間係用黎訓覺,攪到我上堂都成日俾人話,不過話多幾次都冇人理我,講起而段時間特別鳴謝"TRI"小姐,因為唔係多得佢幫我做功課我根本係唔會有功課交。仲有個EVA,不過咩o野事就唔好講,總之係我錯啦o個時,sorry!!不過你而家都唔記得架啦。仲有達達都係而間pizza hut做過,不過o的相未搵到,搵到先post番上黎啦。

而家都仲係做緊既經理啊ｍｉｋｅ。

勁峰啊∼有冇人會知而個女仔係邊呢？

係石頭吧飲酒飲到紅晒既＂啤利＂

仲有殺人狂fiona (我叫佢做肥安娜)放心啦,其實佢好好人架。

仲有相未搵到,下次先post埋啦!

                                         <<等待  是為了和你相遇>>

其實識我o的人都知我平時返工因為冇o野做o既關係,所以我差唔多日日返工時間都係用黎上網睇戲啦,睇下漫畫咁。順帶一提<網球王子>大結局,攪到我又少一本睇啦!而套戲尋日岩岩係公司睇番,不過四月上o左畫架啦,而家先post上黎唔好話我out,我而o的老人家係out o的架啦!有興趣睇叫我send俾你地啦,因為我再搵唔番bt 條link。

而家日日既生活都係返工,放工,打機,訓覺(得閒就去飲下酒)完全唔知中間仲可以加插o的咩o野落去。尋晚同o左游二小姐去食飯,食完飯去o左PCP飲o野,唔係落到去都唔記得o左單新聞:

因為我唔係太知詳情,所以我都廢事講咁多o野,不過相信我pcp仲係一個飲酒既好去處。(因為老細真係好好人)