自從上年睇完Attention Please 覺得好好睇,因為講一個反叛青年冇啦啦要走去做一份正正經經既工---空姐。訓練當中發生好多問題同趣,漸漸而個女仔隨著正確方向走,而佢既性格或多或小都有影響到佢身邊一同訓練既訓練員,最後而個女仔漸漸走向佢正確既空姐之路。其實每個人都有佢地自己既煩惱,究竟點去面對,會唔會表露出黎,點先可以解決問題...我唸個個既解決方法都唔同。係唔係日日笑住咁對住全世界人o個個人就冇煩惱呢?有時我既問題都唔知點去解決,因為我覺得連我自己都解決唔到,係我口邊成日都講"用錢解決到既問題就唔係問題";"船到橋頭自然自"。不過問題就係出係而度啦,用錢解決度既問題梗係唔係問題啦,但係個問題就係點搵錢去解決問題啊嗎,船到橋梗係會直啦,但係未到之前仲係橫架,一陣我驚沈埋添啊!我都想知我自己點去解決,去唸既時候就發覺自己好弱,好似乜都做唔到咁,有時真係會唸自己係唔係真係咁冇用!

尋日做既事冇乜o野值得一提,只係對住啊cat講兩句電話......乜我真係咁差咩???次次打俾你你都要鬧下我先安落,不過算啦,係我欠o左妳掛。

終於都睇o左step up 2,不過失望既就係比我預期中悶。我唔識跳舞,所以唔係好識用舞者既角度去欣賞而套戲,不過以一個普通人黎講,之前o個集我就覺得精彩好多啦!如果你地真係唸住買飛入場睇既話,不過去睇第二套啦!

夜晚唸住訓覺既時候vava打電話黎,第一次聽佢喊把聲,又係佢既訴苦時間,聽佢講佢同佢男朋友既事,我都驚緊我自己拍拖會唔會咁呢?因為就算兩個幾好既人一齊我都覺得一定會有佢地兩個自己既問題。究竟兩個人一齊要點先可以做到完美呢?又點先可以維持一段良好既關係呢?

給vava的:與其去唸點樣改變你男朋友既唸法,不如去攪清楚而家你應有既身份同立場。你覺得要俾時間兩個人去磨合,但係我覺得磨磨下好易爛架炸,與其要自己唸,不如你同佢兩個人好好地坐係度講啦,知道問題存在,係應該去解決,而唔係用時間去沖淡同埋去迎合對方既唸法。(我覺得我自己會咁做炸,我知你一定有好多o野駁我,但係始終你要知道男仔唸o野唔同女仔唸o野,男仔唸o野好多時候都會鑽牛角尖,但係而個都係出自佢地自己第一身既唸法,而你永遠睇o野都會睇好多方面,好理性去分析。但係太過理性會忽略o左兩個人中間一o的好小既事,試下用自己既角度去唸,唔好用你男朋友既角度去唸。仲有........唔係我唔陪你傾電話,你後生你精力夠,我年記大啊,唔似得以前幾日唔訓都得啊!如果我唔係要返工我一定會陪你架bor)

不管你從那裡來，你現在在做什麼，才是最重要的。

 同vava傾到4點之後,帶住安安對眼返工,返到公司終於都要做o野,一次過出五張單,做成人咩,一係就冇o野,一係就做死人。對面間公本身冇問題,但係係同一個倉入面得3個人,我地啊頭而兩日放假,我同我同事加埋講唔夠十句o野,我都估唔到返工要返成咁,心病我知大家都有,雖然你條女又係而間公司做,但係都唔使講到我真係返工坐係度乜都唔做,乜都你做晒呀?前世得罪你咩?好想快o的調苫九樓,再係十四樓我唸我真係遲早打架!

返工同vava msn,相隔超過兩年終於都搵到機會再約到佢出黎食飯。因為vava要幫人補習,我地約九點,點知等到九點半囉,企係天怡等佢,等等下都見到幾多人wor,有以前o的同學啦,之前o的同事,一人吹幾句,終於都等到佢落樓啦!雖然話就話上個星期同佢一齊飲過o野,不過今次望真o的,你都冇乜點變啊,同我識你o個時一樣既,只係識你o個陣你有校服,而家冇囉!

上o左強記食飯,中間講o的都唔知算唔算係傾計,似你串我多o的囉!食完啦,佢男朋友打俾佢,而一刻完全覺得仲衰過偷情,我仲未明點解佢點解可以咁小氣......我都只係一個普通人ji!


同vava傾多陣,突然好想拍拖,認真的。(唔知點解)(唔好唸衰o野,我純粹想投入一段感情,因為俾人話我以前根本冇投入過!)

今日係公司睇o左神探,完住唔知佢想講乜,唔通港產片真係唔好睇?

 其實而一日既日記我都唔知可以點打出黎,只係覺得唔可以同o的傻既人出街,特別係一o的傻既女仔。今日我真係勁嬲,前所未有。

一早起身收到電話,個腦仲未轉得切既時候原來真係會亂講o野。個fd打黎叫我同佢食飯,冇所謂啦,飯日日都要食,不過要8點係中港城等佢!係公司悶o左成日,終於都收工。放工係唔特別,特別係有人黎接我收工,其實有個靚女黎接我收工我都幾開心既,不過都唔係癲到見到就攬住我呀?我成間公司o的人都係度(唔係讚自己受歡迎,係因為真係好耐冇見)。沿途同佢出去尖咀我都勁無奈,因為佢全程講o野都我唔識答佢,完全想死,好在佢唔係我女朋友,如果唔係死九次都唔夠!

出到去最後一個女成員加入,兩女一男行街,原來男既只係做跟班拎o野,真係未試過陪人行街行到俾o的sales笑,好後悔今日出o左去搵佢地!等到8點,最後一個返埋黎,唸住有餐安落茶飯食下,點知原來坐係度仲慘,佢地既神經線集中晒係把口度,你地幾個唔要面我仲要架!(佢地講咩o野就唔講啦,不過作為一個男仔聽到都幾開心架,不過作為我就覺得同3個靚女街係一件幾危險既事,因為當成街男人望住3個女仔既時候見到你同佢地一齊,你要感覺到你背脊涼涼地,點解就自己唸啦)

中間發生o左兩件事,一件趣事,一件係令到嬲到飛起既事。

趣事就係,係走既時候我地經過一間M記,有人提議買薯條食,跟住唔知邊個白痴到話鬥多,一向好蠢既我完全唔知點鬥多,只係跟住佢地3個後面,入到門口佢地3個停o左係度,跟住而個埸面同日本o的AV係冇分別(當然人地更正啦)。身為男人既我都只係呆o左望住佢地。我問你地3個買薯條關你地件外套咩o野事,你件外套唔係用黎裝薯條架bor!佢地3個只係叫我跟住佢地,佢地去o左一蹶男收銀度買(到而家我都仲未知點解)買完出黎我又想試下,去番同一個位度買,買完出黎發覺同一包薯條份量真係可以差好遠,原來香港o的男仔真係咁現實,下次我唸我會揀去一個女仔度買!

跟住係火車上面...................非筆墨可以形容,只係而一世仔都未試過咁嬲!

返到屋企,衫都未換vava打黎話好燥,今次傾o左好耐,傾到4點,佢終於都要訓啦!傾傾下先發覺我地兩個相識都8年啦,話咁快就過o左去,而8年同佢發生算係多o野掛,不過我仲係男緊佢差唔多兩年冇搵過我,不過我都知你有難處,不過我好想講做fd點解攪到好似偷情咁ji。過多幾個月你又飛啦,過到去記得同我講生日快樂啊!

 我發覺o的人好鐘意係我訓緊覺既時候打電話黎,嘈醒我都冇所謂,唔好打黎唔講o野先得架...尋晚極度無奈,連續係咁聽電話....終於十一點終於煩到起身,同啊cat傾到3點幾(我唔係話你嘈住我訓覺啊),一路傾電話一路係咁搵o野食,原來我真係幾大食架bor。同你傾完電話我都係度唸,究竟我算唔算了解你呢?而我又解唔解答到你既問題呢?希望得啦!

訓到兩點幾,起身食完o野終於都做o左我唸o左好耐既o野,就係執下自己個狗竇,執執下先發覺自己好多信,全部都冇用,最估唔到我執o左成三個鐘都仲未執完,下回再執(不過又唔知等到幾時)。執o野既時間都搵番好多o野出黎,VAVA 既生日卡,雖然唔睇都記得寫乜,不過都睇o左一次;仲有啊TRI既"七頁紙"雖然過o左咁多年,睇番估唔到有第二種感覺,仲有當然唔小得啊cat 既o野啦,泰國鎖匙扣(我唸應該係o個個掛),仲有陳融單行紙...哈哈.........學你咁講,我唸我做番以前既啊鈞會開心好多...........

執ｏ野ｏ個時搵到張（２００1－２００2）大埔及北區乙組足球冠軍,好掛住已經離開陳融既葉sir。