Hi~

今日我o既同學同另外一個同學講野

咁呢>>>佢就唔想人地知道，就叫佢細聲D啦

點知o個個同學好驚訝喎

仲好大聲講出去，驚人地唔知咁喎

我真係笑死啦，但係我o既同學俾佢激死

有時我覺得人有D野係唔想每個人都知道o既

或者呢D可以話係<祕密>啦.......

當你同人講o既時候，你又唔想人地知道o既時候

佢就偏偏講出黎，o個種感覺真係好難受

或者人就係一種「大嘴巴」o既動物

當然亦有例外，唔係每個人都係咁

一個人係咪咁，要經過相處o既時候，你先可以去決定

但係，相處後，就會發生好多問題

人同人之間o既關係就會改變

人同人相處真係唔容易

你又會唔會身同感受呢???

Hi~everyone

今日返到屋企後，我就開始睇漫畫啦

因為我淨有兩集未睇咋，就黎大結局

好興奮呀

差唔多5點幾啦......

我終於睇完啦，呢套漫畫真係好好睇呀

係講愛情o既，當然冇色情o既成份啦

我認為人同人之間一定會存有愛架

但係，係邊一類啫

有D人心裡明明係好鍾意呢個女仔

卻扮出一個唔在乎o既樣

其實佢心裡係幾咁關心呢個女仔

只係唔識表達

或者人就係咁啦

但係，咁o既愛情都好好呀

只要佢係你o既身邊就夠啦

只要係埋一齊又係幾咁開心o既事

唔知你夢想o既愛情有係點呢?

講俾大家分享一下啦~~~

Hi~

今日係好重要o既母親節

我今日9點幾起左身，等我阿媽

因為我有野要送俾佢，梗係.........

送左之後，o個種感覺好怪呀

但係我阿媽好開心

之後我家姐去排隊飲茶

點知我去到o既時候，我地竟然坐係口

搞到好樣衰，希望快D走人

嘩!!!好多人呀，有D仲因為等左好耐都冇位，而有爭執

唉真係煩死啦

飲完茶我地去行街呀

行到成3點半

返到屋企後，我仲有成疊功課未做呀

真係痛苦，咁多功課 >_<