前幾日qooza因為比人炸到七彩,所以暫停服務,維修左幾日,今日終於搞掂,所以我就立即更新下,投入呢個雨過天青ge日子

暑假話咁快已經過左一半,學校編班ge野終於都有結果,預料之內,入B班,要同95% ge 3A同學們暫別一陣,響呢度恭喜一下各位升到意願班ge同學(尤其是考試掹車邊ge人)

不過我"立"到有幾過上年f.4 ge人,今年由4B走左去4D,留班唔係大新聞,但點解咁得意轉左科,仲得意ge係點解好轉唔轉,轉左去「絕代雙波」(大波朱,微波盧)果班呢?

d暑期作業做剩英文兩版review, 搞到日日響屋企長香菇(發霉),不過今個禮拜就精彩d,走去睇左兩部影畫戲------「蝙蝠俠--黑夜之神」同「內衣少女」,前者係Ming叫我去睇,後者係親戚中免費戲票去睇,以下係我對兩部片GE評語:

「蝙蝠俠--黑夜之神」 

屬國際級大卡士大電影,結果的確不令人失望,動作同特技做得好好,不過我最like ge都係d畫面,尤其是香港果幕,雖然唔長,但好真係好靚,但另一方面,小丑個妝同埋個男二個爛面look甚為嚇人,不過劇情方面仍然係典型「超人打大鱷」ge故事,新鮮感不大(唯一驚訝ge就係陳冠希不足3秒ge出場)

「內衣少女」

呢套片算中規中矩,睇宣傳海報,Janice Man,JJ,動漫Maggie,擺明sell一班「o靚界女神」(不過Maggie出得一兩幕,對白都唔多),所以演員方面,無咩驚喜,除左Stephy算係演得之人外,其他人演技都有待改進,故事方面有點似色慾都市(床上戲除外),都係講一班女人ge戀愛經驗同體會,而且笑料亦不俗,看後令人輕鬆愉快,如果淨係諗住輕輕鬆鬆笑下打發時間,呢套係唔錯ge電影

下禮拜去睇「盜墓迷城3」,到時再同大家分享下