08北京奧運琴晚終於結束左,對運動不甚留意ge我,今年有點兒失望,女排出奇過出奇蛋咁輸左,劉翔拉又左柴,比唔到賽,睇見到佢果個傷心斷腸樣,睇見到心傷,唔知佢係咪會好似雜誌所講,拉左柴就走去做藝人呢?另一方面,郭晶晶跳到個金牌番尼,佢企響台上面接過「未來老爺」霍震霆頒ge奧運金牌果陣,呢個等嫁ge準少奶奶個額頭直情鑿住「幸福的女人」五個字一樣,算係可喜可賀

做完奧運,電視劇們開始各歸各位,我ge生活又開始忙碌,8點ge《搜神傳》,唯一賣點就係鍾嘉欣,劇情唔算特出,而且大奸角係...譚小環,好似無咩說服力......呢套係一套「姑且睇下ge劇集」,8點半《尖子攻略》,有歐陽bobby同雯女,雯女做補習天后,應該幾好睇,不過睇落有d似「青出於藍」,9點半「家好月圓」,呢套簡直欲罷不能,超級毒女徐子珊就尼出場,劇情開始緊張

數下手指,暑假仲有6日就結束,真係話都無咁快,咁快就中四la,真係有d擔心,聽人講phy仔(女)大十八變,比中三難多多聲,加上我讀CIT,又聽人講,好似好惡讀(唔係惡毒),而且儉儉又唔教b班,仲邊攞到A呀......今年班主住其中一個係冰姐,聽人講好似唔錯,唔知係咪呢?