上個禮拜,因為打風同水運會,番得兩日,今個禮拜國慶,番四日,跟住禮拜一教師發展日同重陽,又放四日,而且四日假都係得份英文ws,所以都幾得閒,所以呢排睇左兩套戲,分別如下:

圖(1)    睇左呢張,以為係武俠片

圖(2) 睇左呢張,以為係恐怖片,

周迅層皮(唔係陳皮)

呢套算係大陸ge大製作,開頭以為係恐怖片,後尾以為係武俠片,最後睇完成套戲, 原來係帶點懸疑的愛情片,講番內容,劇情,打鬥,懸疑,愛情,樣樣都有,甄子丹係男主角,動作場面自然有保證,至於主菜ge談情說愛,有好多幕都好悽涼, 好似有一幕趙薇為左救老公,甘願自己變白髮魔女,呢幕差d睇到喊,趙薇確實好戲,而周迅做狐狸精都幾得,表現到到嫉妒而癡情ge感覺,不過套戲ge特技場 面就唔多,得周迅脫下佢...層人皮,然後成身屍蟲果幕驚訝d,不過,成套戲尼講,都好好睇,好精彩

呢套又係日本d漫畫改篇電影,係威係勢,話有300位紅星演出,但成套戲淨係得唐澤壽明同常盤貴子我係識ge......至於內容,懸疑得尼帶點詭異,詭異得 尼帶點緊張,都算唔錯,成套戲都好緊張,但都做成兩個半鐘,最後仲要未有結局,仲未開估個蒙面人係邊個,彈句「to be continue」,屈人睇下集,好彩套戲都算好睇,期待下集......