今日終於測完驗la,成身鬆哂,鬆到連鬆肉粉都唔使用,至於考成點就各安天命la

中文方面,今年的確比上年易左,不過閱讀卷都有d難,特別係第一篇,似明又唔明,至於聆聽,今次考d野都好表面,唔洗聽佢d對對錯錯,感情變化,都叫容易,我諗應該唔會好似上次咁考得25分呱......英文方面,1A光唔知係咪撞鬼,考兩篇兩篇都唔知佢講咩,好彩好多都係mc,有得撞,成part有超過7成係撞ge,真係要求神拜佛唔好比我撞錯哂,如果唔係我真係"瀨"野......listening就比較OK,次次最尾part都係要睇data file作文ge,今次都唔例外,不過以前係比得果10分鐘,寫成封信,今次,比30分鐘,做填充,所以10分到做完之後就做左prada代言人,成村人"pra"哂響度.....數學今次真係幾易,成份卷得10條到,做完覆埋數,都仲有成廿幾分鐘剩,所以我幾時都話儉聖體貼又好人ga la,至於份mc就難少少,但都未至於唔識ge......

至於電腦,成份卷我d mc係同書內容有關ge,d長問題都係問d日常生活ge常識,直情成份綜人卷咁,都唔知係咪屈機同Ming sir調轉左份卷出,總之就不太樂觀la......

phy chem bio,以肥lee出ge bio最難,無端端考咩染色體,都唔知點答,唯有用bio答題法,咩都答一餐,希望從中比我搏到個答案出尼,chem無咩大問題,只係mc衰左d,至於phy,收到份答題卷,幾廿行,以為要寫好多野,點知原來只係計條數,用兩三行......成份卷最難就係最後炒菜果part,做到3秒煮熟菜果題已見不對路,我諗應該係錯ge,但又唔知點改,唯有照寫3秒,後尾見有唔少人都寫3秒,都叫放心d果陣,又有一班人寫6秒,又開始擔心......