今日聖誕聯歡,不過今年聯歡前要去hall聽個祈禱會,過程極之有聊,響我正要昏倒之際,聽到老廖ge驚人歌聲,即刻醒哂,明明成班老師合唱,佢特登唱慢一句兼拉高個音,好似人地d和音咁,但呢d和音比d主唱仲要搶鏡,老廖真係唔簡單,跟住ge唱歌同搖搖表演都頗為精采,但呢個年代竟然仲有人播郭富城ge唱這歌,實在讓人有點O......

祈禱會後上去聯歡,今年我因為參加左果個海下灣參觀活動,所以去唔到4B班ge BBQ,唯有離開我可愛ge 4B班,重投親切ge 4A班懷抱.....一輪魚目混珠後, 終於上到4A班,呢個時候聽到小芬響度搞咩全班之最,一大堆可笑ge次最當然非陳嘉軒莫屬,而Rocky都理所當然地係最有「份量」之最,不過我同智樂等人都一致認為佢同肥lee不相伯仲......

食野果陣,見到桌上都係一堆煎炸野,自己知自知事,少食為妙,所以最多都係每樣淺嚐一口,期間見到小芬比人(狗,唔洗講名,大家估到)係咁強制性偷拍食雞翼ge食相,跟住抽獎,由於我係「外賓」,無學號,但適逢ben求之離開,我學號(抽獎號碼)變左做1號,不過最後都係抽唔中,雖然獎品不甚吸引,但運氣實在差極......

11:15,我同成成,tony,阿倫等人都參加左果個海下灣要出發,逃過了瘋狂wasabi之役,經過大半個鐘車程,到左海下灣,果度空氣同環境真係同平時兩個世界,清新十萬倍,上到高地,突然吹起狂風,我終於知道咩叫凍到打冷震......期間個導師同我地講d咩海洋污染,全球暖化,紅潮,「冚扮爛」都係上年 ming sir(唔係張明) 講過ge野,如果唔係有用顯微鏡睇浮游生物果part,跟本成個都係地理科活動......(ps.響參觀途中,除左影風景,同成成玩互拍之外,成成仲影埋肥lee的背影......)