呢幾日唯一做ge野就係去左考中文oral,果日番到去備試室,又見到培基響度發癲鬧果d無戴口罩ge人,佢又唔係阿sir,都唔知鬧人做咩,未過d助理咁聲大夾惡......

講番中文oral,一入去見到叮噹(李健強),首先朗讀,讀錯左兩個字,第一個「徜徉」,個「徉」字讀o岩,讀"羊",不過個「徜」字讀錯,我讀左"躺",應該讀"常",唉.......個討論就基本上ok ge,估唔有個d班ge都講得幾多野,唔洗我同鏗爺兩個硬撐,18分鐘o岩o岩講哂,臨尾2分鐘先記得邀請果個一直無出過聲果位人兄講野, 一叫佢果下,佢呆左一呆,可能佢一直都訓著左......不過,叮噹除左講左句:你而家有10分鐘時間準備,由入去到出尼一粒聲都無出過......

琴日又出左去,二家姐又貴人善忙,"lai"低左個化妝袋響屋企,我反正無野做,就山長水遠拎去中環比佢,成日睇畢打自己人,今日終於影左畢打街個牌,可惜見唔到賞賞,無得影賞賞ge相相,不過中途見到有成班人圍觀,原來係拍緊野,行埋去,見到房祖明,真人同上鏡一樣,都平平無奇.........