今日正式上堂,要真正收拾心情....

今日上CIT,對住個得1/2size ge screen,而且要自己拎部低清projecter,真係視力大考驗......今日唔教書住,同我地講個會考project,,佢話水運會後做個初模比佢,識幾多做住幾多先,我地好多人都未做,我都唔例外,要搵日開工la........

中文堂,冰姐同我地講完上年會考d成績之後就開始吹水......一眾同學問佢不少問題,Jimmy問:「大袋做咩唔做副校?」永姐如實作答:「佢話健康問題呀ma」,班人就問:「你知邊個叫大袋咩?」冰姐腦筋急轉彎:「我其實聽唔到你問咩,我只係隨口答你」咁都可以兜到,雖然有點兒牽強......

英文堂同數學堂,最快即刻上堂,英文教participial,數學入5A,今次數學教等差同等比數列,暫時同中一羅sir教果d差唔多,好似果陣仲深d......

生物堂係今日ge高潮,4B/5B除左YY入尼訓話,上堂未試過咁靜,而且幾乎個個都正襟危坐,肥lee ge威嚴可見一斑,佢都係講Bio ge成績,今年有8個唔合格,5個拎A,10幾個B,肥lee仲話哄要用心上堂,肯發問,有溫書,唔需要補習,絕對可以攞到A,B,C,睇尼肥lee十幾年ge經驗名不虛傳.......佢仲發表左一句句ge名言,「讀生物ge技巧係要浸ga,要不停咁滲入去」「你做我份卷果陣,要揣摩我ge心點諗,因為我出卷果陣,我都會揣摩會考考官點出卷」雖然聽a班講,佢有時會不停重複教野,不過見佢如此自信,都期待佢點樣教書...

今晚肥狗再請食飯,今次打邊爐,賀開學,又係百零蚊任食,果度叫「富臨漁港」,間野ok靚,不過唔多客,但係唔知點解比個"角落頭"位我地...叫左好多野食,肥牛,肥羊,肥豬,肥駝鳥.......洋洋叫左碟雞子,人人喜好不同,只係個樣有點噁心,中途發生電路意外,肥狗主動逞英,與插蘇駁鬥勝出...食完果陣,一眾人都開始想當年,望未來,9點幾走人,好飽好飽...

相:

個「臨」字好難睇.........