今年陸運同皇年ge大大不同,中一至中三,都係呆坐座位,或躲在更衣室打nds,中四,prefect當值,閒逛一會兒便是一日,今年開心充實好多,但亦有點樂極忘形,忘記左一d原本應該做ge事.....

番到去,放低袋,第一件事就係去換班衫,著住班衫,有個歸屬感之餘,更可光明正大地同所有人講,今日無論我地點玩點癲,都係理所當然ge...成日哄係響看台坐左每日頭尾一粒鐘,好多時間唔係落去影相(雖然自己無帶相機),就係去召集處「玩」,芬姐超好玩,陀槍師姐,爆樽蓋,改老師花名,打成一片(芬姐最爆果d相仲未拎到,超想睇,膠神個server成日都full.....)

今年破例地報1500米,係第一次,亦可能係最後一次,千五米姐係要3.75個圈,我跑完一個圈果陣已經好倦,跑半個行半個(前面有人影相,跑,後面無人影相,行),跑到最尾用Martin,譚志豪一齊衝線,其實要多謝佢地,佢地應該係有心跑慢d就我,如果唔係我就係包尾比成村人恥笑果個.....跑完超倦,好似就死一樣,呢個時候,AB兩班ge人都一齊尼影相,呢道影完,入走廊,入完走廊,上看台,差唔多成粒鐘,先有時間去換衫,換衫果陣,好似開心到已經唔倦咁

第一日食飯,rocky又拉大隊,食味千,食左成千蚊,rocky出左幾舊,再每人夾$25,抵食抵食,第二日Dickson挑機慘敗請a班食飯,理上我無挑,無理由要佢請,情上佢唔係Rocky,無咁大財力本事,我無謂再插佢一刀,於是就同Eric等人去KFC食

lunch番到佢,影班相,影影下,有人提議玩拋人,開始話拋冰姐,當然冰姐以跑100米速度閃左上看台走人,佢淆,咁就拋第二個,首先patrick,完好無事地落番尼,開心,第二,三個,B哥同重量級geking kong,有部份人走左,餘下ge人實在力有不逮,少傷,最後,patrick比人拋多兩鑊,最後一次,拋頭ge果d人走哂,patrick應聲倒地,傷重,好彩無大礙,唔係就真係樂極生悲....

不過樂極就算唔生悲,都會忘形,由於成日影相,玩,跑,prefect果度夾埋當左唔夠一粒鐘,本來以為係得我地form 5,有「緊要事」做,點知班細ge都唔聽話,成班比李美儀訓話,佢話親自去巡過,成個看台幾十人得番3個當值,又話Vice報工作人員係滔天大罪(vice得9個,擺明係串freeman同martin,d串人技巧同太皇太后一樣,明到唔明),其實今年又話船襪唔洗捉,食糖唔使捉,咁d人唔係比賽就係我地呢form心 ge人,咁有咩秩序可以維持呢?不過好彩佢無點名叫無當值ge行出尼比佢少,唔係真係><