前日,12月31日,話咁快已經過左1年,今年係我第一次出街倒數,前幾年都係響屋睇住電視ge倒數節目度過,睇住電視入面影住尖沙咀,Time Square人山人海,今年終於正式去感受下

今次咁橋都係luke,貽興,楊過果群人,去到尖沙咀站,黎少先話join我地,於是我地響MTR等左差唔多成粒鐘,期間教主不停以1/60秒高質素偷拍,無從避

http://www.facebook.com/album.php?aid=137225&id=731757117

......出到去,仲迫過書展,人云亦行亦咁行,期間不斷有人開心叫囂,我周圍望,跳高望,都望唔到有咩事發生,唔理咁多,一於叫埋一份,唔知在場有幾多人好似我地咁呢?又有幾多人真係知道有咩事值得叫呢...?

去到唔知邊度(好似係太空館後面),無得再向前行,個陀槍師奶同我地講話已經封路,埋有響度倒數,在場有唔少人響度,仲有d坐哂響馬路邊,果陣11點都未到,我地就響度嬉戲度日,估唔到呢度都有機挑,猜輸除淨面衫......一向成日猜輸ge我(MTR張明事件除外)竟然猜贏,luke除衫,見佢寒風中顫抖,有人仲收埋佢件衫.........

去到12點,雖然呢度唔係「中心地帶」但仍充滿住歡樂ge氣氛,「15,14,13....1,0!」睇住僅僅睇到ge煙花,現場歡呼聲不斷,終於明白點解d人死迫爛迫都要尼倒數

倒數完,去starbucks買野飲,叫左杯Java Chip(睇中文先知係咩尼....),平時未叫過,諗住係熱ge,點知一攞,「E?凍ge?」有種「驚喜」感覺,其實係自己真心左,朱古力碎咖啡點會熱............

跟住去埋APM食糖水,叫左碗芝麻糊,終於有熱野落肚,但唔知咩事,成晚淨係飲左杯咖啡,但都好飽,食左一半食唔哂...2點幾走人,行過無人ge APM,有點冷清,好似作文果d咩《熱鬧過後》一樣........但我係唔會識寫呢d文,因為呢種感覺絕對係非筆墨可形容,淒涼?非也,回味?亦非也......