上個幾禮拜,為左個CIT proposal,無做過past paper,今個禮拜終於搞掂左,而家先發覺,原來有得做pp係好珍貴ge機會.....琴日YY入尼訓,原來唔經唔覺,我地只係得番十幾日上堂,一方面為場仗就到而憂心,一方面為將來臨ge分別而傷心...

原來響背後,成半班人到呢一刻個CIT仲係原封不動,搞到今日謝基偉又爆seed,炮轟果d咩都未交ge人.當每個人被問到做左幾多果陣,d人都係公式化地答:「做左一半」但謝偉基不容佢地過骨:「做一半!?做左諗果半,寫果半未做呀ma!!」雖一語中的,但有點說話不饒人.....有人唱白臉,佘sir自然做紅臉果個,在旁語重心長地叫我地努力d,終於知點解電腦要兩個教....

今日lunch同ming撞到冰姐,冰姐問我地打文ge事,張明扮唔知,我就扮記得,番到屋企搵,搵勻哂所有關中文科ge file,都話比我聽個影印版係消失左.........

今日上PE堂,飛機迫人著班衫上堂,本來著班衫唔係問題,但因為件班衫日前已經比各同學簽下大名,唯有笠住件外套上堂,仲要小心唔好出咁多汗(肥lee話ga:人隨時都出緊汗,要用較少,有比較先有分ga),因為件衫唔洗得,驚洗甩哂d字....但最後都玩左一陣數字球,可惡....

後日要去聯校英文口試交流練習,唉..又要比d band1仔串la............