今日考中文oral,朝早11點幾番去同班人練下,湊夠6個,叫左冰姐尼,做左次朗讀同討論,尼題唔知咩「搵四條友個嘜頭做香港郵票,要共識」,玩左一輪,冰姐比左幾句意見,就急急腳走人,可能又富源三巨頭之聚....
食完飯hea左一陣,hea到3點幾,起程考oral,入MTR時天朗氣清,出到灣仔,直情成個天跌哂D貓貓狗狗落尼.....搞到我哂左成廿幾蚊買把縮骨遮,但行行下,個天愈尼愈過態,上斜路,地上有如長江流水,滔滔不絕,川流不息,唔知以為自己跌左落河,最後,成隻落湯返去,好彩仲有成半粒鐘有多比我晾乾個人....
其實半粒鐘點吹得乾,入到去報到室,個阿姐(應該係老師)逐個點名,好似叫監犯咁叫「54180!」逐個行出去比佢睇準考證,5點半先點完名......跟住就埋牙,朗讀唔講,小組討論條問題玩野「有人認為(應該)(廢除)公共屋村(禁止)養狗條例,你同意嗎?」同我玩千層否定句,一句「公屋比唔比養狗?」咪得lo,哂左我十幾秒DEP真條題目.......最後6:15考完走人......
廢物坑渠,d水照湧上尼
註:棕色部份係石"搏",但都已浸沒於汪洋大海
 
去到華仁外圍.......戈度無渠ge,純粹斜坡,唔係考試ge話,有種衝動行過去......
好似做左戰地記者咁....
|
