前日講完個o靚妹之後,今日又見到類似情形,發覺父母同子女溝通時(特別係5歲或以下),係要用另一種邏輯,講另一種語言.............

今日本來發生左一件頗為嚴肅ge事,就係今日德福M記出事,可能請得太多我地呢d 90後,尼場美女廚房,成間m記出哂煙,而且搞到半個商場上層充滿膠味(真係d膠燒熔左戈隻味).....

d消防尼哂,唔知以為四級大火,d商場保安更好笑,因為下層無事,d人照行街shopping,但d保安就四圍飛,仲要雞手鴨腳,諗住set「路障」,點知未set完就自己推冧哂......行到商場外面,成班人唔買飛響度睇烈火雄心(雖然電視做都唔使買飛...),附近其他餐廳d waitress成班坐哂係度談笑風生,睇尼奉旨蛇王一樣.......

跟住有個中年男人,拖住個細蚊仔,響度睇合家歡,細蚊仔:「消防員呀」,爸爸:「係呀,佢地救緊火呀,你睇,警察叔叔都尼埋」,跟住,爸爸:「你大個想唔想做消防員?」,細蚊仔:「我要做超人」(以為睇電視先有呢d答案...)

算la,反正呢個都不失為家庭教育ge好機會,但呢個時候有條港女攝埋尼,係咁影相,擺明係d blogger,跟住個細蚊仔問:「有人影相ge?」爸爸竟然語出驚人:「記者姐姐要做野呀 ma」

雖然呢d 90後ge網誌文化好難三言兩語解釋到比d細路聽.....但出到記者呢招,邊個夠佢黎.....

咁快有料實在太好,不過無相:http://hk.news.yahoo.com/article/100605/3/ifpk.html