今日係畢業典禮,對上一次係小六,但果時小學雞ge我已經真係完全無哂印象,所以今次係我「懂性」以尼,第一次畢業典禮,化表中五結束ge畢業典禮
琴晚最衰楊過,搞到我電話儲值卡僅餘ge$2個幾都無埋,傾傾下cut Q左線.....今朝晨早起身去增值(晨早=11點幾),跟住番龜玩逆轉裁判,又"恰"陣,2點又比楊過call醒,叫我一齊食lunch後番去(跟住發覺,原來miss左肥狗3個call.......)
由於我果碟應該係比人暗中加大左2倍size,貽興明明遲我10分鐘叫,但佢仍然食得快過我.......卒之3點先番到去,返到去,練兩野,其實,成段表演,睇片比唱歌更有樂趣.....我地段片都經肥狗「執過下」先出街,佢地果段更加唔使講,開頭成套電影咁...........
KO見到呢張圖都笑左:(ps.張明果日有被人拋咩?我都唔記得左)
3點幾落去真正rehearsal,朱姐一人分飾多角(田神父,校長,仲有朱姐自己),笑...喝住練頒獎,朱姐扮握手,其實係一野扯過尼,拉我走,以求效率,唔玩太極"哂"哂....到真正表演果陣,原來可以拎埋本場刊上去唱.....除左5c班有點煩膠之外,其餘都好好睇,段段片都好有意思,其中唔知7A定7B班果首國語歌好好聽,但唔知咩名....
btw,我本來仲有倫宗科目獎ge,但唔知咩事刪左,最後比左余姓ge妖物,而家睇番成績表我倫宗只不過70幾分....排十幾,on 9指數唔高,慶幸...
完場後,家母不知不覺竄左人,打比佢,原來響我地填果張咩舊生會同派d"林嬸"野果陣,已經番歸...跟住下場又尼個人性的抉擇,我本來諗住去b班戈邊打邊爐,仲硬拉左張明去...但最衰張明掛住電話溝女,仲要用我部電話,b班班人不知不覺行到唔見左人....雖然我知佢地去家豪,但費時行去追佢地la,疊埋心水跟a班篤波,但天意弄人,佢地又唔知咩事行慢左,我又撞番佢地,再一次人性的抉擇,最後學Pro生擇一蚊雞公字,最後都係順應天命去篤波.....
張明原來未篤過波(我自已嚴格尼講都未算篤過),開頭我以實力入左.....................兩球,不可一世地各向廢J明炫耀一番,但後來佢好運地入左..................都係兩球,跟住愈玩愈膠,用cue尾打,用三枝cue一齊打,用果枝十字ge固定棒尼打,最後用埋手尼打...行過ge人都給予我地"尊敬"ge目光....順帶一提,我唔小心一手飛左個波埋張明隻手度,在此萬分Sorry~~
篤完波去左食飯,世傑唔止做vice叻,食野都咁叻,隻燒春雞我同張明都舞佢唔掂,但比佢三爬兩撥就完美分屍左,佩服佩服,最後我仲要唔夠錢,要佢俾住先,呢個vice愈來愈有風範
ps.聽講b班戈邊去楊過睇世界盃計劃泡湯,原因尚未明........
|
