琴日星期日,張明放假,佢屎忽痕要call人出尼,Plan A:唱K,最衰張明好放唔放放星期日,間間收費$89,得兩個幾鐘,仲要無學生優惠,.所以都係Plan B:碌齡......

去到emax,搵到釗釗同基哥,又係張明衰,放星期日,果度人多到不得了,加上原來價錢都不菲,所以又放棄左,唯有執行Plan C:機鋪

臨入機鋪,都係張明衰,生得小學雞,齊齊比警察查身份證,人生第一次比人查.......點知基哥無帶身份證,比警察懷疑係強國人民,問左幾句,問基哥又無去過海洋公園,再問佢有無去過海馬公園,我笑左.....再問我地係咪識佢ge,跟住就放左佢,心諗「如果我地答唔識佢會點呢?嘻@@」點知我地3個搞仲耐,待佢唔知call上咩台,又抄低唔知乜野.......跟住,佢無端端拎起釗釗隨身帶部相機,問:「咩尼ga?」我更明顯地笑左,呢句一諗就諗起詹sir果個「o靚模襲地球」,「咩.尼.ga.?」(亦因為基哥之前失常地講完)

查完,入機鋪,都係好多人,玩左陣籃球機,可惡,玩到stage 2 中間隻手已經開始無力,差d先打破stage 3......玩完去大家樂食tea,5點半,曲終人散,張明釗釗去打鼓,我同基哥番歸.............