琴日終於day-off(上次off係26號),於是上晝約左小學同學出去行下,兼陪佢買部結他,意見我俾唔到就是了.....跟住上尼打左陣躉,再順手借走左六本小新

下場約左張明,貽與同教主睇Toy Story 3,本來都唔想咁遲先睇睇,但又俾番工耽誤左日子...張明因為去左小學gathering,所以遲到,又因為UA有3D眼鏡送,所以要去到MegaBox睇,所以更加遲,最後遲左15分鐘先入場......

今集比上兩集都緊張,上兩集都係講一d小故事,雖然都好睇,但少左份迫力同緊張感,今集唔知咩事,好似有d截然不同(以下內容有爆劇情之嫌,未睇此 片者勿閱此篇)又黑暗集團,又猙獰玩偶,又美人SM計,仲成班魔怪小孩,而且有兩個鏡頭都比佢嚇左一嚇,好似唔太O岩天真無邪ge小朋友睇(唔天真無邪 ge小朋友照睇可也),但總括都係好睇ge,垃圾焚化爐果場尤其緊張, 另外最後「主權轉交」果幕都頗為感人,一堆玩具由大學生主人轉交到小女孩手上,繼續作為玩具ge責任,但呢幕都反映左一個殘酷現實,玩具就算幾愛人喜愛,都有一天不再為主人所寵愛,下場都係要離開,好壞只係「翻頭嫁」同「浸豬籠」ge分別.......