今日番左學校,聽果個.....果個.....個....算la,姑且叫佢做升學講坐,原來自己有好多野都唔知...原來果日咁好彩升到中六ge話,要帶定$600果日即交,到時無就真係hihi,另外原來我地原校升中六真係都要面試ge....搞到我諗緊就算夠分,佢都因為面試而唔收我,咁咪仲hihi.....?聽完YY講解一大輪,再聽個社工鳩up更大輪之後,就走人,臨走見到rico偷偷打電話,唔知打比邊個呢....?

跟住同成成,世傑,steven去味千食lunch(雖然都已經4點幾),再去淘大碌齡,人生第一次真正碌齡(唔計msn個game),原來真係好難...成q日都落坑,仲要次次都係落右邊坑.....仲要有兩野"choc"親少少隻手,不過睇埋佢果 mon d趣緻flash動畫,條氣都順番D,而且後尾都補中左兩次,睇尼要再加努力先得......on jj,世傑不愧係芬姐槍手,144分.....我得50幾分.......

跟住滾水淥腳去番MCL睇《叛諜狂花》,又係遲左5-10分鐘,上次《葉問 2》,《反斗奇兵 3》都係遲左,好耐無睇過片前ge廣告.....至於影評就太晚唔打住la,總之緊張又好睇la,[爆劇情] 開頭係有d難明,最初當然覺得身為美國中央情報員ge安祖蓮娜係冤枉ge,後來以為佢真係背叛左美國ge俄國特工,最後先知佢原來係一個為愛情而變節,一個忠於美國ge俄國特工,有d迂迴,一d肥皂味都無,加上「性感動作女星」安祖蓮娜今次竟然全無性感演出,的確拳拳到肉,飛天遁地無替身(跳海場口例外),有d料到....不過個結局就真係慘,安祖蓮娜一個人邊繼續亡命天涯,邊繼續為美國對付蠢蠢欲動ge俄國特工,其實世上係咪真係有咁甘願為國ge人.....頂,打打下都成個評論打哂出尼,算la....... [/爆劇情]

跟住去元氣食飯,點知一坐低差唔多9點,於是同膠健上屋企拎IVE籌先,屌,9點click入去,白屏,5分鐘後,膠健幸運拎到先,跟住我拎埋,跟住我手機就好似歡樂滿東華咁,幾百條線打尼,「lemon,我IVE上唔到呀,幫我拎籌呀」,心諗「個網大塞車,我上同你咪一樣」不過算la,多個人多雙手幫手禁下f5都好過無,於是逐漸搞埋世傑,Rocky,阿倫,ben ben等等.....9點半到終於搞掂,好似打完仗咁...

落番去途中,見到楊過同「真正的小龍女」,上兩次唔係我要番工,就佢要考試,今次終於見到佢真面目,原來佢地又剛剛食完元氣,真不巧...番到元氣,世傑同成成都戰績彪炳,我同膠健都開波,其實食迴轉壽司有時都唔知果碟野係乜尼,總之見到個樣幾靚就拎,跟住食食下見到唔知咩人咁「好心」食完張隻空碟放番上去條帶度.....之前放題食日本野,好似叫左好多野,而家食迴轉,其實~10碟都已經好飽,仲一女.要加埋個手卷同件cake(估唔到件朱古力蛋糕都幾好食),真係上哂心口,俾錢果時,自己數一次碟,$720,因為今次要還番幾個月前ge飯數比世傑,所以佢今餐我ge,預左大出血之際,個數碟小姐埋單果陣,數蝶數漏左3隻,仲要係最貴ge $35樹碟,$100現金回贈,哈哈...

礙於角度問題,d樹碟的確幾難被發現.......