而家係12:23,一陣就要去成成last K聚,而家趕工中.......前兩日tim sir打尼,約我睇翡翠明珠,於是琴日bio補完課就同佢去睇

講起bio補課,rico竟然唔番,10點打比佢,佢都唔記得左有呢回事,跟住索性唔番...番到去,除左rocky,子奇之外,見到一堆唔知咩人,有d好似熟口熟面,應該係c班ge,其他可能就係外校生la(其實我都分唔到...),唔知另一個蔡明熹響邊呢? XD

今次陳正傑都係講下個syllabus,同即場比左本pastpaper我地睇(用後即還,可惡...),唉,AL bio好KANG.....完左同Rocky去大家樂成完飯,就去九龍圓方會合tim sir

圓方唔理幾時尼都係咁少人,都係成個迷宮咁....折騰左一輪,終於搵到佢,跟住就去買飛,套戲呢幾日先上映,但都係虛席滿佈,所以即日買飛都完全唔成問題.....買完去HMV 逛左一陣,中途發現,雖然香港都係中國一部份,但原來大陸人都真係有樣睇ge.....響HMV影左一堆ON9相,放左上facebook,自問都幾ON9ge你自己上去睇

入到場,我地係11號院,要行好入,生到10號危果陣,個職員主動問我地:「係咪10號危ga?我帶你入去呀」好似預左無人會入11號阮咁,笑左,今次終於無遲到,入到去仲睇到玉女果部得閒炒飯個廣告

套戲無錯係爛片,部份笑點極之下等,唧都唔笑,但唔知點解後面幾條女笑左....有幾幕就真係笑左,講林峰搵番流落為平民,失憶ge阿sa,窮追不捨,祖藍同阿sa "lay"入屋,關門,但度門只係一張草席好似窗簾咁拉落尼,林峰照入左尼,咁關尼有乜用.....? 仲有唔少ON9笑點ge,如果想無聊笑下ge.都可以入去睇呢套戲,但整體如果有10個爛,我俾呢套有7個,2個扣d on9笑點,1個扣容祖兒(雖然佢演粗豪女賊頭好似做小學drama咁.....)完場,稀有地出哂字幕先有人起身離場,我當場數過,全場有16人......

完場,跟住落左旺角,去左漢和食韓燒,發覺自己d技術進步左,除左條魚會燒到死無屍咁上碟之外,其他我都燒到(呢間無貝類),但極之低能,張芝士腸同普通香腸拎去燒,普通香腸唔夠10秒就會燶哂,全黑果隻,但芝士腸成分鐘都未爆......呢間大部份野食都唔錯,尤其韓牛同雞肉,但係有隻「美國肥牛」真係好肥牛,成塊係白色ge,全脂肪,低兩條絲般幼ge肉響上面,燒完之後仲dry過唔係四海ge牛丸.....而且仲有一樣on9在有沙津但成間餐廳係無叉同鐵匙羹比你(只有平時飲湯d大膠羹....)食完臨埋單果陣,見到隔離兩條女,好似見到我地上次咁,燒到搶哂火(雖然無我地咁堅....)

番去搭MTR果陣,見到車上有個師奶:

攝住張紙響眼鏡度,唔知做乜鳩,但佢又係打開眼,唔係訓覺wor,唔通近視? 搞到我地笑到hihi

好la,rico幾個已經到左九龍灣,我要落去,打住咁多先