今日係我重回正常放假生活ge第一日,亦係成成飛往澳洲ge日子,本來做緊大袋俾果d CE物理mc(英文版),做做下發覺其實自己都係想去,醒起世傑會去,於是call同行(原來仲有鄒浩鵬).....

搭A22去,onj, $39車錢......."o睹"八達通果下,仲勁過妙手仁心果下:「300,clear!」幾震撼.....架車好凍,見到世傑著住短褲,仲凍,早知戴件外套....去到機場客運大樓,見到幾個人,鞭爺,ste昇,happy,同主人家成成,其實唔多,始終都山長水遠,我都係心血來潮先倉卒決定

用成部notebook上facebook,同家健chat左一陣,發生左膠野,happy影低左,聽日問佢拎番相

跟住去果度間burger king坐左陣,真係齋坐,因為呢度間間野都恃住方圓十里都無其他餐廳,$40幾蚊一個餐......自然唔可以向奸商低頭,去到6點幾,成成終於要check in,影左張合照,就望住佢一步一步咁行遠,背影愈來愈細,唔見左,好彩我響香港,講廣東話,而唔係大陸人,講普通話,講得出「拜拜」(亦可當英文吧...),但實在講唔出「再見」,因為今次真係離開左,將有一段長ge時間唔知能唔能夠再見.......

轉述再轉述:一個會考完完全全將我地一班人打散晒

btw,等買咪同cam,skype再見