諗番上年中五ge陸運,罕有地帶住一個期待ge心情,番到去,prefect有值唔當,走哂去周圍影相,玩到癲,的確係一個難忘ge陸運會......

今年中六,再次回歸平淡,prefect行行企企,記得講過最多次ge對白係:「同學,放番隻腳落尼」(d人成日都踩隻腳去前面"椅"背),行行企企,無無聊聊.....

水運還好,都叫有班人坐響度吹下水,陸運成堆人做哂工作人員,成日都唔響看台(art組例外),第一日朝早當完值就同偷懶曠課ge張明 sd SMS sd左成粒鐘,本來響看台sd,點知比吳毓偉撞破左,佢想收我,我就慣性地講句:「唔好la,阿sir」點知佢真係咁順攤:「拿,咁你收番埋佢,同埋記住...唔好話比人知呀下」睇尼最後果句先係重點,吳毓偉果然名不虛傳,奇趣無比...........(但後來好似妖左鞭爺部手機),後尾去左更衣室個"浴室"度繼續sd.....跟住差唔多12點就出番去等放飯.....

灣仔放飯真麻煩,搵間平野食下都無,於是第一日三兩條友去左味千,$40幾,好貴.....第二日就去吉野家,行行下,1D果兩條form1仔跟埋一齊尼,發覺form 1仔都有可愛ge一面,唔識路ge我都係得個跟字,跟跟下,行到吉野家,點知間野對面就係銅鑼灣地鐵站........

第二日稍為好過,因為有個唔知咩45週年步行籌款....成校人落去打個400米ge白鴿轉,雖然又熱又曬,但都能夠有效地打發時間,發覺有條學生一人籌得2000 幾蚊,唔知佢班左幾多個姨媽姑姐先籌到,不過真係豪爽......我自己就淨係捐左$20(媽叫捐ge)

Rocky兩日都好忙,又要拍片,又要一人操控整個司令室(金成,賴偉光有事走左,成班老師「聲稱」唔識用電腦),聽講第一日仲忙到飯都無食到......其實Rocky係乜構造,有時都覺得學校有d過份,點解要一個學生無條件搏哂命幫手做野?學校d TA,秘書死哂?但佢又真係可以一人頂廿人,諗緊佢F.7走左之後,學校會點........

今年ben ben同陳嘉軒都唔響度,但就保一尼左兩個猛料,利昶儒同周偉雄,唔知好彩定唔好彩,第一堂PE就俾飛機生滋貓入眼,入田徑隊已成定局,其中利生都頗為有趣,上堂不時訓左教,但又總係顯得用心向學,尤其是9月頭芬姐份吉祥物設計工作紙,用心得令芬姐感動溶化....連大袋上堂教每個chapter佢都會有野發問,但又唔係麥sir型問題先高招.....今次100米佢跑11秒9,響度呻「唉」,「好差」,「比人笑到面黃」等等,跟住我無聊睇睇個公佈成績...........甲組第一,決賽再11秒86.......而且佢好似唯一一個夠薑全程包括放lunch同放學都係著住件校隊背心短褲遊走ge人.........另一膠事就係佢之前個阿哥都係讀彩天,叫利昶瑜.....佢阿媽係無創意,定還是太有創意...?今日舊生接力賽聽到「第x線成員有,利昶儒」.....心諗:「舊生??」靈光一觸,再心諗:「屌,唔係果個儒」,總之呢個人有待研究....

今次陸運話明唔可以踩前面"椅"背,但期間見到鳩庭有型地: