終於考完試,今次考成點心照,終於明白咩叫UE,咩叫AL,咩叫band 1仔,不過都已成過去,算吧la,成個人扯行左成兩個禮拜,係時候抖兩日.....

雖則話抖,但都係好忙ga,今日考完,rico例牌約左人急急腳走人,跟住我地班就上去"慶功"(功??),鎚仔買左隻乳豬同燒肉請客,隻豬送到尼,鎚仔係開頭好似人公司開張果陣咁隊左一刀,仲隊爛左入面盒燒肉,不過今次又唔關鎚仔事ge,佢盒燒肉放得好盞鬼: (唔講以為係盒神秘禮物:iphone 4 三十二部)

燒肉盒慘死:

豬底藏屍案構圖:

跟住問題就係無人識切乳豬,Rocky又做左救世主,手執一把疑似響314借ge大生果刀,手起刀落,豬一塊塊咁分哂出尼,一支支叉順勢伸埋出尼,切一舊無一舊,Rocky亦邊切邊食左幾舊,鎚仔口疏,搞到要搵人送幾舊過去俾老申...本來烽烽生日要玩happy corner,但由於106無白板,鎚仔又做架兩,可惡......

救世主Rocky:

食完,同烽烽等一行9人去apm唱K,話說由開始中六補課之後都真係太忙,由8月到而家都未唱過.....今日,由頭到比都差唔多比Eason包場,中途加插兩首數碼暴龍,爆旋陀螺,最爆哂咪ge就係義海豪情主題曲,原來到處都係狂迷.....

4點唱完,行左陣,入左去扭蛋,佢地狂扭蜘蛛俠,扭極都無,老孫開頭扭到最樣衰果個,仲要扭3次,扭左3胞胎出尼,認真妙絕,不過最後都如願以償,扭到黑色蜘蛛俠,不過用左三日飯錢就係.......(我出錢支持就無la,出力都有ge)

完場後,番屋企抖左陣,7點又去Rocky飯局,今次Keith Chan同我地打對台,佢拖走左6B班d人,又係去打邊爐,不過出手比Rocky低得多,佢津貼每人.....$98撬剩agent同洋洋兩個,所以今晚飯局得6個.....成成番左尼之後第一次見佢,去左澳洲幾個月ge佢,眼鏡唔同左,同埋多左部leck機ge iphone,佢個plants vs zombies(植物大戰殭屍),超好玩.....佢唔使旨意番澳洲la,哈哈~

響呢度同張明講聲sorry,本來前兩日Rocky搵人果陣,本來叫我call張明,但我後尾又無左件事,所以................點知今日好似TVB咁,佢地中學果邊又尼左嘉豪打邊爐,比佢撞到正.......但應該咁諗,我係無叫到佢,但結果咪又係同佢一齊打邊爐,差在唔同檯姐......

附錄:這是墨魚滑(分離失敗,"原隻"上)