終於考完試la,可以輕鬆一下,但有d可惜,考完試又無得放假,唉~聽日又要番學la,想玩多日都唔得

唉,下個禮拜又有果個呻吟sir的pk體育堂,要打手球,理所當然,球例,走位,制度......完全唔識,又唔知到時又會比呢條呻吟sir省幾多次la,希望果日掛紅色暴雨,唔洗上體育堂就好la......

考試期間,個電話日日都好熱鬧,有人會打尼問下一日考咩,有人有野唔識又會打尼問我(雖然我好多時唔識),而響9:30p.m.都會有人準時打尼,同我一邊吹水一邊溫書,所以有幾日都睇唔到律政新人王II,不過咁都好,傾完之後可以發覺自己邊度唔熟就睇番下,幫到人又幫到自己(雖然我提供的有d係流料)考完試之後,個電話就變番以前一樣,靜哂..........不過講真,除左學業方面D野之外,其他人同我都好似無咩兩句.......

呢排睇左幾個頒獎禮,一如以往,差唔多都係容祖兒玩哂,如果下年都係咁,咁佢就係最受歡迎女歌手6連霸,認真犀利