終於放新年假la,有10幾日放,真係好,但例牌有大量負擔,其實功課本來唔多,甚至寥寥可數,唯獨英文26頁ws,仲要19頁果份都唔知講咩,今次份Happy New Year仲勁過上次份Merry Christmas.一個美好假期就因為咁被污染左,唉......

呢排發生左件唔關我事的大件事,就係個個都知的娛圈911之裸照風波,班事主真係慘,尤其是Bobo,退出左娛圈有愛情滋潤,諗住嫁入豪門打跛腳唔洗休,點知因為咁臨門一腳撻Q,張栢芝都好慘,本來有B萬事足,一家幾口樂也融融(同拉姑婆媳糾紛另計),因為咁搞到炒大鍋,真係陰公

最衰都係果條仆街陳冠希,攞部腦去整出事係意外,唔怪得你,但最仆街就係人地搞到咁,你仲走去美國同女友風流快活,淨係拍條片照稿讀篇Sorry就諗住過骨,唔該佢收撚皮la,而家比萬千網民圍插都係抵佢死

有一件事實在不吐不快,話說教區聯運第二日離場,諗住搭小巴走果陣,撞到張,劉兩位班長(據劉生要求,應該係會長先對)等人,佢地話不如一齊搭的士,多人夾錢會平d,主意唔錯,點知到的士尼左果陣,係就係多人,仲多過龍,1,2,3,4,5,6,多左一個,於是霸位霸慢左非常可憐的我就只好死死氣行番轉頭搭小巴,唉.....白白浪費時間,如果我手腳快d咪好lo

好la,打住咁多先

在此恭祝各位新年快樂!!